«Nur Otan» partıasynyń Saıası keńes búrosy otyrysynda Memleket basshysy Nursultan Nazarbaev partıa tóraǵasynyń jańa birinshi orynbasary Muhtar Qul-Muhammedti tanystyrdy, - dep habarlaıdy Qamshy.kz QazAqparatqa silteme jasap.

Muhtar Abraruly Qul-Muhammed 1960 jyly týǵan. Qazaq memlekettik ulttyq ýnıversıtetin bitirgen, zań ǵylymdarynyń doktory, profesor.

1982 - 1992 jyldary Qazaq Keńes ensıklopedıasynyń ǵylymı redaktory, aǵa ǵylymı redaktory, fılosofıa, quqyq jáne sosıologıa redaksıasynyń meńgerýshisi, jaýapty hatshy bolyp eńbek etti.

1992 - 1999 jyldary - «Atamura» baspa korporasıasynyń prezıdenti.

1999 - 2001 jyldary - Qazaqstan Respýblıkasy Parlamenti Senatynyń depýtaty, Zań shyǵarý jáne quqyqtyq reforma jónindegi komıtetiniń hatshysy, Senattyń áleýmettik-mádenı damý jónindegi komıtetiniń tóraǵasy.

2001 - 2003 jyldary - Qazaqstan Respýblıkasynyń Mádenıet, aqparat jáne qoǵamdyq kelisim mınıstri.

2003 - 2007 jyldary -  Qazaqstan Respýblıkasy Prezıdentiniń keńesshisi, Qazaqstan Respýblıkasy Prezıdentiniń Baspasóz hatshysy, Prezıdent Ákimshiligi Basshysynyń orynbasary - Qazaqstan Respýblıkasy Prezıdentiniń Baspasóz hatshysy.

2007 - 2008 jyldary - Qyzylorda oblysynyń ákimi.

2008 - 2010 jyldary - Qazaqstan Respýblıkasynyń Mádenıet jáne aqparat mınıstri.

2010 - 2011 jyldary - Qazaqstan Respýblıkasynyń Mádenıet mınıstri.

2012 - 2013 jyldary - Qazaqstan Respýblıkasynyń Memlekettik hatshysy.

2013 - 2014 jyldary - Qazaqstan Respýblıkasynyń Mádenıet jáne aqparat mınıstri.

2014 - 2015 jyldary - Qazaqstan Respýblıkasy Prezıdentiniń keńesshisi.

2015 jyldyń naýryzynan mamyryna deıin - Nursultan Nazarbaevtyń kandıdatýrasyn qoldaý úshin qurylǵan respýblıkalyq qoǵamdyq shtabtyń basshysy.

2015 jylǵy 5 mamyrdan búgingi kúnge deıin Qazaqstan Respýblıkasy Prezıdentiniń keńesshisi bolyp qyzmet etti.