Darıǵa Nazarbaeva Úkimet janynan Sall-ortalyq quratyn boldy. Keshe premer-mınıstr Kárim Másimovtiń jetekshiligimen ótken Úkimet otyrysynda oǵan osyndaı tapsyrma júkteldi, - dep habarlaıdy Qamshy.kz.
Úkimet basshysy jer máselesine qatysty birqatar tapsyrmalar qoıǵan. Atap aıtqanda, vıse-premer Darıǵa Nazarbaeva Úkimet janynan jer reformalaryn túsindirý boıynsha birińǵaı Sall-ortalyq qurý týraly usynys engizýge mindetteldi.
«Jaýapty tulǵalardy bekitip, birde-bir suraqtyń jaýapsyz qalmaýyn qarastyrý kerek. Árbir basshy óz ókilettigi sheginde qoǵamdaǵy reformalarǵa qatysty ahýaldy taldap, óz qyzmetterine tıisti ózgertýler engizýleri qajet», - deıdi K. Másimov.
Premer-mınsıtr ortalyq jáne jergilikti atqarýshy organdarǵa memleket basshysy jarıalaǵan moratorııdan shyǵatyn, qysqa merzim ishinde birinshi vıse-premer Baqytjan Saǵyntaev basqaratyn komısıanyń tıimdi jumysyna qajet sharalardy qabyldaýdy tapsyrdy.
Osy jıynda aldaǵy ýaqytta jer qatynastary máseleleri Ulttyq ekonomıka mınıstrliginiń qaraýynan alynyp, Aýylsharýashylyq mınıstrliginiń quzyryna ótetini aıtyldy.
Sondaı-aq, densaýlyq saqtaý jáne áleýmettik damý mınıstrligi mindetti medısınalyq saqtandyrý, Bilim jáne ǵylym mınıstrligi úsh tildi oqytý men demalys merzimin uzartýǵa qatysty qoǵamdyq pikirdi zertteý boıynsha tapsyrmalar aldy.
Esterińizge salsaq, prezıdent N. Nazarbaev «Jer kodeksine» engen birqatar ózgeristerge jyl sońyna deıin moratorıı jarıalap, jyl sońyna deıin halyqqa túsindirý jumystaryn júrgizýdi tapsyrǵan bolatyn.
