Oraldym júkterimdi kamaz basyp,

Turaǵym – ata jurtta – qaǵaz lashyq.

Jesiri jat qoınynda, jer daýy úshin –

Qazaǵym jatyr taǵy arazdasyp.

Jat alǵan baba qonys sýatymdy,

Shyǵardy kúsh kórsetip qýatyndy.

Qalanyp jer oshaqqa emen- jyńǵyl,

Qoı tastar shaǵyl bolyp ýatyldy.

Almasy buıyrmady Ala taýdyń,

Jýasy men jıdegi Qara taýdyń.

Bıttep kelip bı bolǵan kelimsektiń,

Qorasynda jandy oty ár otaýdyń.

Kúkirttiń qarsy júzgen daýylyna,

Kúıinem tabynyma, aýylyma.

Qara maıdan tamshy da buıyrmady –

Jaǵýǵa tórt túliktiń jaýyryna.

Nemere joq ataǵa sálem bergen,

Múdeles týǵandy bı jemeńgermen.

Lenınniń shekpeninen shyqqan sumdar,

Taırańdap júr, dep: “ dana kemeńger- men”.

Qaıǵydan ótkendi ańsap arylamyn,

Laq tartyp Sibirde de qary qalyń.

Elemeppin boljap eń qaıran babam,

Dúnıeniń osynshama tarylaryn...

Qorqyttyń kúńirenip tur qobyzy,

Kelmeıdi aý qaıta ornyna Syr teńizi?!

Aıý men aıdaharda jerim qalyp,

Úsh toǵyzdan buıyrdy bir toǵyzy.

Tórińde oınaqtattyń kirmeńdi, dat!

Ol az bolsa bosaǵa, irgemdi sat!

Keńdiginen ne paıda júrsem qańǵyp,

Óz Otanym ózimniń túrmem qusap…

Turaǵym – ata jurtta – qaǵaz keme,

Qazaǵym bir- birimen araz nege?!

Qonaǵyńa kúzet qoı, ishten shyqqan,

Shubar jylan- satqynnyń sany az deme!!!...

ESBOL ÚSENULY