Ál-Farabı atyndaǵy Qazaq ulttyq ýnıversıtetinde QR Májilis depýtattarynyń qatýsymen «Máńgilik el» taqyrybynda stýdenttermen kezdesý ótti, - dep habarlaıdy Qamshy.kz.
Jıyndy Qazaq ulttyq ýnıversıtetiniń rektory, akademık Ǵalymqaıyr Mutanov ashty. «Yntymaǵy jarasqan halyq bolyp qalyptasýy úshin, ulttyq oı kerek. Qazaqstan Táýelsizdigin alǵaly qanshama synnan ótip kele jatyr, bolashaqta dál osy qarqynmen damý barysy júzege asady ma degen suraqqa biz tek sózben ǵana emes, is-áreketpen de jaýap berýimiz qajet», – dedi rektor myrza.
«Adam balasynyń emosıaǵa berilgishtigi, tereńine úńilmeı tez sheshimder qabyldap qoıatyndyǵy barshamyzǵa aıan. «Birińdi qazaq, birińdi dos, kórmeseń, istiń bári bos» dep uly Abaı aıtpaqshy, bir-birińe tilektes, nıettes bolmasań istiń bári bos bolady. Osyndaı qıyn kezeńde bir-birimizge qoldaý kórsetip, qol ushyn bermeýimiz, araǵa iritki salýshylar maqsatynyń oryndalǵandyǵy dep bilemin», – dep atap ótti Bekbolat Qanaıuly. Sonymen qatar «Máńgilik el» bolyp qalyptasý úshin, quldyq sanadan arylý kerektigine erekshe toqtaldy.
Sońǵy kezde halyq arasynda rezonans týdyrǵan «jer máselesi», Elbasymyzdyń kúni keshe jarıalaǵan moratorııi de kópshilik talqysyna tústi. «Ata-babadan amanat bolyp qalǵan keń-baıtaq jerimiz, árbir qazaqstandyqtyń asyl-murasy, sol sebepti árqaısysymyz bul murany kózimizdiń qarashyǵyndaı aıalaýymyz qajet!» – dep atap ótti Almaty Maslıhatynyń eń jas depýtaty Asylhan Tólepov. Stýdentterdiń qatysýymen ótken jıyn qoǵamda qordalanǵan birqatar máseleler tóńiregindegi suraqtarǵa jaýap berdi.
İs-sharaǵa «Nur Otan» partıasy ortalyq apparaty basshysynyń orynbasary Mádı Jarylqasynuly Ospanov, Qazaqstannyń eńbek eri, ulaǵatty ustaz Aıagúl Tóreqyzy Mırazova, Almaty qalasynyń jastar saıasaty máseleleri jóninde basqarma basshysy Nurlan Sydyqov, Almaty qalasy Jetisý aýdandyq prokýrorynyń orynbasary Baýyrjan Ertaev qatysty.
Kez kelgen atqarylatyn is, kez kelgen jasalatyn qadamnyń, elimizdegi turaqtylyq pen beıbitshilikke kedergisi kelmeıtin bolsa, onda bul dúnıeniń halyq ıgiligine tıgizer paıdasy, damýyna qosar úlesi óte joǵary bolmaq. Kezdesý sońynda prezıdıým múshelerine Kazaq ulttyq ýnıversıteti atynan syılyqtar berildi.
