Saýd Arabıasynda turatyn otbasylyq psıholog áıelderdi «durys sabaý» týraly vıdeokýrs ázirledi, - dep habarlaıdy Qamshy.kz.

Psıholog ol kýrsta áıelge qol kótermes buryn oǵan «óziniń mindetteri men quqyqtaryn» eskertý qajettigin aıtady. Soqqyny da ashýǵa berilmeı jasaýǵa keńes beredi.

Psıholog Haled ál-Saqabıdyń bul vıdeokýrsy Taıaý Shyǵys BAQ-taryn zertteý ınstıtýtynyń YouTube jelisindegi arnasynda jarıalandy. Kýrs psıhologtyń «Áıelderdi qalaı urý kerektigi bir jaqty emes ári qıyn suraq. Munda tájirıbesizder kóptegen qaýip-qaterge tap bolýy múmkin» degen sózderimen bastalady.

Ál-Saqabı áıel sabaý sabaǵynda tyńdarmandaryna áıeldi tártipke shaqyrý úshin urý kerektigin aıtady. Onyń aıtýynsha, muny ashýǵa berilmeı, «ıslam erejelerin saqtaı otyryp» jasaý kerek. «Tárbıe juymys» kezinde taıaq jáne ótkir quraldardy paıdalanýǵa bolmaıdy, biraq, taıaq ornyna mısýak nemese bet oramaldan esilgen jip qoldanýǵa ruqsat etiletin kórinedi.

Psıholog «kóptegen erkekterdiń áıelderin taıaqpen sabaıtynynyna» qynjylys bildirip, munyń eń aldymen áıeldi kúıeýine qatysty qatelikterin túsinýge shaqyratyn tárbıelik shara ekenine nazar aýdartady.

Sondaı-aq, psıholog «Ókinishke oraı, qazir kóptegen áıelder ózderin erlermen teń sanaǵysy keledi. Bul óte úlken problema» degendi aıtady.