Qazaqstan Respýblıkasy Táýelsizdiginiń 25 jyldyǵyna oraı ál-Farabı atyndaǵy QazUÝ-dyń ǵylymı kitaphanasynda Tuńǵysh Prezıdent oqý zaly ashyldy. Mundaı zaldyń elimizdiń úzdik joǵary oqý orny qabyrǵasynda ashylýy úlken tárbıelik mánge ıe, sebebi Qazaqstannyń Tuńǵysh Prezıdentiniń ómir joly Otanǵa sheksiz qyzmet etýdiń jarqyn kórinisi jáne jas urpaq úshin patrıottyqtyń naǵyz úlgisi bolyp tabylady. 

Qazaqstan Tuńǵysh Prezıdentiniń oqý zaly kópshilik oqyrman qaýymǵa arnalyp ashylǵan. Bul – basynda QR Tuńǵysh Prezıdenti Nursultan Nazarbaev turǵan táýelsiz Qazaqstan memlekettiliginiń qalyptasýy men nyǵaıý tarıhy boıynsha aqparattyq qordy qurý, únemi tolyqtyryp otyrý jáne saqtaýdy  júzege asyratyn erekshe aǵartýshylyq ortalyǵy. Qazaqstan halqynyń ómir súrý sapasy men standarttarynyń joǵarylaýy, elimizdegi yntymaqtastyq pen kelisim, quqyqtyq memleket pen azamattyq qoǵam negizin qalaý, ekonomıkalyq serpilis pen Qazaqstannyń álemniń básekege qabiletti 50 eliniń qataryna kirý jetistikterin qazaqstandyqtar Elbasy esimimen baılanystyrady. 

Zal qorynyń negizgi derekkózderiniń biri – Prezıdenttiń jeke kitaptary men el táýelsizdiginiń alǵashqy jyldaryna arnalǵan tarıhı zertteýlerden turatyn materıaldar. Munda Nursultan Nazarbaev, onyń otbasy, oqýshy jáne stýdenttik kezeńderi, eńbek joly jáne qoǵamdyq-saıası qyzmetteri týraly sýretter, kartınalar, arhıvtik qujattardyń kóshirmeleri, kitaptar, shyǵarmalar men vıdeofılmder de keńinen usynylǵan. Sonymen qatar, qordan Prezıdenttiń ózi qurmetti profesory bolyp tabylatyn QazUÝ ujymyna arnalǵan quttyqtaý hattarymen jáne joldaýlarymen de tanysýǵa bolady. Stýdentter men ǵalymdar, ásirese, Memleket basshysynyń QazUÝ-da jáne basqa da JOO-larda oqyǵan dáristerine  erekshe qyzyǵýshylyq tanytady.  QR Tuńǵysh Prezıdenti kitaphanasymen ornatylǵan yntymaqtastyq nátıjesinde zal oqyrmandaryna onyń sanaýly materıaldary da qoljetimdi.