Ýaqyt ótedi, ınshalla, másele de sheshiledi. Bir-birimizge degen qurmetimizdi saqtap qalaıyq jigitter! (Onyń teńdesi joq syı, baılyq, baqyt, adamdyq, arlylyq, bıiktik... ekenin men aıtpaı-aq, kóbińiz bilesizder)
"Men ony ondaı jamandyqqa qımaımyn" degen ǵajaıyp bir sózi bolýshy edi. Bala kúnimde ata-ájelerimizden únemi estýshi edim. Al, naǵashy atam, "bireý sen týraly ósek-aıań, keleńsiz sózder estigende birden ılanyp, qostaı ketse ol adamǵa ókpeleme, ol seni ondaıǵa baıaǵyda qıyp qoıǵan, tek retin tappaı júrgen adam", dep otyrýshy edi. Qudaı saqtasyn! Ol súringenińdi jyǵylǵan, jyǵylǵanyńdy kómilgen etip kópsetedi. Sosyn ondaı kezek ózine de keledi. (Alla ádil ǵoı, Odan kúshti eshkim joq).
Bir qazaq bir qazaqty jamandyqqa qımaıtyny ras bolsa bizdiń búkil armandarymyz da rasqa aınalar edi!
Ularbek Nurǵalymnyń «Feısbýktegi» paraqshasynan alyndy
