Kóshi-qon sýbektilerin tirkeý jeke basty kýálandyratyn qujattar boıynsha júzege asyrylady. Oralman mártebesin berý jáne (nemese) oralmandardyń kóship kelý kvotasyna engizý týraly ótinishti otbasynyń kámeletke tolǵan músheleriniń biri jeke ózi ýákiletti organnyń aýmaqtyq organyna beredi. Jeke ózi júginýi múmkin bolmaǵan jaǵdaıda ótinish berýshi ýákiletti ókilge júginýge notarıaldy rastalǵan senimhatty oralman mártebesin berý jáne (nemese) oralmandardyń kóship kelý kvotasyna engizý týraly ótinishpen qosa beredi. Ótinish berýshige onyń ótinishi qandaı nómirden keıin tirkelgeni týraly tirkelý nómiri beriledi:

• ótinish
• qoldaýhat tulǵasy men birge kóship kelgen onyń otbasy múshelerin kýálandyratyn (pasport, jeke kýálik, týý týraly kýálik, neke týraly kýálik, ajyrasý týraly kýálik, áskerı bılet, eńbek kitapshasy);
• Qazaqstan Respýblıkasy aýmaǵynda turatyn turǵylyqty jerinen otbasy quramy týraly anyqtama;
• turǵylyqty úıi bar nemese joǵy týraly anyqtama
• Oralman mártebesin berý týraly ótinishti tirkeý, ótinish berýshini jáne onyń otbasy músheleri týraly málimetterdi «Oralman» elektrondyq derekter qoryna engizgennen soń júzege asady.

Oralman mártebesin berý nemese bermeý týraly sheshim, aýmaqtyq organda tirkelgen kúnnen bastap on jumys kúninen keshiktirilmeı ýákiletti organnyń aýmaqtyq organymen qabyldanady. Oralman mártebesin alǵandarǵa bekitilgen úlgidegi kýálik beriledi. Oralman kýáligin joǵaltqan jaǵdaıda, onyń ıegeri ýákiletti organnyń aýmaqtyq organyna joǵaltqany jáne telnusqasyn berý týraly ótinish usynady. Ótinish tapsyrylǵannan keıin, ýákiletti organnyń aýmaqtyq organy bes jumys kúni ishinde oralman kýáliginiń telnusqasyn beredi, oǵan, «telnusqa» móri basylady. Oralman kýáligi qatal esepti qujat jáne oralman mártebesin rastaıtyn negiz bolyp tabylady. Nazar aýdaryńyz! Oralman mártebesi, Qazaqstan Respýblıkasynyń azamattyǵyn alǵannan keıin óz kúshin joǵaltady. Oralmandar men olardyń otbasylarynyń músheleri:

• ýákiletti organnyń aýmaqtyq organdaryna oralman mártebesin berý jáne (nemese) oralmandardyń kóship kelý kvotasyna engizý týraly óz ótinishterin qaraý úshin qajetti otbasynyń barlyq múshelerine durys málimetterdi tabys etýge;
• densaýlyq saqtaý organdarynyń talap etýi boıynsha medısınalyq tekserýden ótýge, ekpeler qabyldaýǵa, emdelý kýrsynan ótýge, sondaı-aq densaýlyq saqtaý organdarynyń nusqamalaryn oryndaýǵa;
• oralmandardy beıimdeý jáne kiriktirý ortalyǵyna joldama alǵan kezde úsh kúnniń ishinde sonda qonystanýǵa jáne oralmandardy beıimdeý jáne kiriktirý ortalyǵynda bolýdyń belgilengen kezeńi aıaqtalǵannan keıin ózderine berilgen úı-jaıdy bosatýǵa;
• ýaqytsha ornalastyrý ortalyǵynda jáne oralmandardy beıimdeý jáne kiriktirý ortalyǵynda bolýdyń belgilengen tártibin saqtaýǵa mindetti.