Oralmandar men olardyń otbasy músheleri Qazaqstan Respýblıkasynyń zańyna sáıkes jeńildikterdi, ótemaqylardy, sonymen qatar basqa da járdemaqy jáne ataýly kómekti alýǵa quqyqtary bar:
- Oralman mártebesin alǵan tulǵalar úshin kórsetiletin áleýmettik jeńildikterdiń negizgi baǵyttary jumysqa ornalasýda, biliktiligin arttyrýda jáne jańa mamandyqty ıgerýde kómek kórsetý;
- memlekettik tildi jáne orys tilin oqyp-úırenýge jaǵdaı jasaýdy qamtamasyz etý; Qazaqstan Respýblıkasynyń zańdarynda belgilengen tártippen Qarýly Kúshter qatarynda qyzmet atqarýǵa shaqyrýdy keıinge qaldyrý;
- tehnıkalyq jáne kásiptik, orta bilimnen keıingi jáne joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa túsý úshin kvota bólý; muqtaj bolǵandarǵa mektepterden, mektepke deıingi uıymdardan, sondaı-aq áleýmettik qorǵaý mekemelerinen oryn berý;
- birjolǵy járdemaqylar men zeınetaqyny tóleý;
- azamattyǵy qalpyna keltirilgenderdiń "Jappaı saıası qýǵyn-súrginder qurbandaryn aqtaý týraly" Qazaqstan Respýblıkasynyń Zańynda belgilengen ótemaqyǵa quqyqtaryn iske asyrý;
- Qazaqstan Respýblıkasyna kelýge vıza berý úshin konsýldyq alymdardan bosatý; zańnamaǵa sáıkes medısınalyq kómektiń kepildeme bóligin tegin alý;
- Qazaqstan Respýblıkasynyń azamattaryna qarastyrylǵan ataýly kómekti alý;
- múlikti shekara arqyly keden tólemderin almaı ótkizý; turaqty turatyn jerine jol júrý jáne múlkin (onyń ishinde malyn) jetkizý jónindegi shyǵystardy óteý;
- turǵyn úı satyp alý úshin qarajat bólý.
