Mınıstrdiń aıtýynsha, zıaly qaýym ókilderi Bilim jáne ǵylym mınıstri Erlan Saǵadıevten atalǵan ózgeristerdi asyqpaı engizýdi jalynyp turyp suraǵan, - dep habarlaıdy Qamshy.kz Baq.kz-ke silteme jasap.

«Til saıasatyn damytý ońaı emes. Shynyn aıtý kerek, jer máselesi qozǵalardyń aldynda úsh tildikke qatysty qozǵalys bolǵan. Sol kezden bastap ózimiz ıkemsiz qımylymyzben halyqtyń kóńilin birshama ózgertip aldyq da, onyń ústine jer týraly kodeksti kirgizdik. Sonymen qazir múldem yńǵaısyz jaǵdaıda otyrmyz», – dedi mınıstr búgin mádenıet jáne sport jónindegi qoǵamdyq keńestiń otyrysynda.

Mınıstrdiń aıtýynsha, buǵan deıin zıaly qaýym ókilderi úsh tildi oqytý júıesimen asyqpaýdy suraǵan. «Bir jınalys boldy, shyny kerek. Mine, Myrzataı (Joldasbekov – avt.) aǵamyz otyrdy, Nurlan Orazalın otyrdy. Meniń kollegam (bilim jáne ǵylym mınıstri Erlan Saǵadıev – avt.) otyrdy. (Aǵalalar – avt.) jalynyp turyp aıtty, osy úsh tildikti asyqpaıyqshy dep, qazaq tili men qazaq ádebıetin ázirshe qospaıyqshy, tura turaıyq dep. Aldymen fılologıany rettep alaıyq. Ádebıetti…Bir saǵat ekeýi eki jaqtan jalyndy. Joq, qoımaı, endigi aptada zań qabyldaımyn, súıtem-búıtem dedi. Qazir endi kórip tursyzdar, Elbasy úsh tildikti de toqtatty, 12 jyldyq bar, jazdyq kanıkýl bar. Árıne, oıy durys. Biraq sony aqyldaspaı sheshemin degeni keri áserin tıgizip jatyr», – dep atap kórsetti A.Muhamedıuly.