“Gákký” arnasynyń kontentin baqylap otyrý qajet", - dedi Memleket jáne qoǵam qaıratkeri Myrzataı Joldasbekov.

«Meniń jynymdy keltiretin bir nárse, «Gakký» deıtin kanal bar. Atynan sadaǵa ketsin! Gakký degen armanymyz ǵoı bárimizdiń. Solaı emes pe? Al endi osynda ylǵı bir jalbańdaǵan saıtan, jalańash…Men oılaımyn, bizdiń mádenıet mınıstrligi…Áneýkúni aýyl sharýashylyǵy mınıstrin nege alyp tastady? (Prezıdent – avt.) durys aıtty ǵoı, sen aýyl sharýashylyǵy salasynda memlekettiń saıasatyn jasaıtyn adam emessiń be dep. Bizdiń mádenıet mınıstrligimiz nege búıtip kórsetip jatsyńdar dep otyrmaýy qajet», – dedi Joldasbekov mádenıet jáne sport mınıstriniń qoǵamdyq keńes aldyndaǵy esep berý kezdesýi kezinde.

Osy oraıda el aǵasy qazaq jigitteriniń kıim kıisine de min taqty.

«Kúlki teatrlarynda bizdiń qazaq jigitteri áıeldiń kıimin kıip alyp, yrjańdasa, jurttyń bári kúledi. Ólmeı me odan da? Namys joq! Osynyń kózin qurtý qajet. Kórsetpeý kerek. Áıel adam áıel bolyp shyǵý kerek. Erkek adam erkek bolyp shyǵý kerek. Namys joq. Men keıde qaıran qalam», – deıdi akademık.

Sondaı-aq, Joldasbekov “Barys” hokeıshilerin de synǵa aldy.

«Qazirgi kezde elimizde neshe túrli stadıondar men sport saraılary salynyp jatyr. «Barys» komandasy úshin arnaıy muz arenasy salyndy. Men ózim ony jaqsy kórýshi edim. Sońǵy kezde ıttiń etinen jek kórip kettim. Namys joq! Eshqandaı patrıottyq sezimi joq! Qudaıǵa táýbe, Serikter (Sápıev – avt.) halqymyzdan shyqty ǵoı. Solardy alyp keleıik. Jaqsylyq aǵalaryń (Úshkempirov – avt) qaıdan shyqty? Ózimizdiń aýyldan shyǵyp, halyqtyń, ulttyń mereıin ósirdi. Bizde boks, kúres, ziltemir kóterý jaǵynan elden uıalmaıtyn úlken tabystarymyz bar. Al analardy (hokeıdegi shet eldiń azamattaryn – avt.) kóp taırańdatpaý qajet. Áneýkúni ǵalamtorda bir azamat jazdy, qaıdan bular orynǵa talasady, namys joq olarda, sebebi ózge eldiń azamattary. İshinde Reseı, Kanada, Amerıka azamattary bar. Solardy jaqsy kórýshi edim, keshe ıttiń etinen jek kórip kettim. Jigersiz…bilmeımin, bir mas…bir dárimen ýlaǵan adam sıaqty bolyp ketti», – deıdi Myrzataı Joldasbekov.

Onyń aıtýynsha, ol shaıbaly hokeıden Qazaqstan quramasynyń oıyndaryn qalt jibermeı, túnimen uıyqtamaı shyǵady.

Aıta keteıik, Máskeý men Sankt-Peterborda ótken shaıbaly hokeıden Álem chempıonatynda Qazaqstan quramasy óz tobynda bir-aq ret jeńip, qalǵan oıyndarda utylǵan bolatyn. Sóıtip, qaıtadan elıtalyq devızıonnan ushyp ketti. Quramadaǵy hokeıshilerdiń basym bóligi – «Barystyń» oıynshylary.