Almatyda 1 mamyrda Alǵabas shaǵyn aýdanynda qısaıyp qalǵan turǵyn úıden 200 adam evakýasıalandy, - dep habarlaıdy Qamshy.kz QR İİM TJ komıtetine silteme jasap.
«Oqıǵa «Alǵabas» shaǵyn aýdanynda toǵyz qabatty úıde oryn aldy. Topyraqtyń shógip, úıdiń qısaıǵany baıqalady. 200 adam kóshirilip, qonaqúıge, týystaryna ornalastyryldy. Úıde gazben jabdyqtaý toqtatyldy. Polıseı qoǵamdyq tártipti saqtaýdy qamtamasyz etti. Qurbandar men zardap shekkender joq. Búgin qurylys máselesi boıynsha mamandardan arnaıy komısıa quryldy, olar oqıǵa boıynsha sheshim qabyldaıdy», - dedi QR İİM TJK resmı ókili Rýslan Imanqulov.
Aıta keteıik, TJ Alataý aýdanyndaǵy Alǵabas yqshamaýdanynda (Momyshuly jáne Aqyn Sara kósheleriniń qıylysy) boldy. Yqshamaýdannyń turǵyndary №1-136 úıdiń apat jaǵdaıynda turǵanyn, al turǵyndardyń kóshirilip jatqanyn aıtady. Olardyń aıtýynsha, tolastap jaýǵan jańbyrdan úıdiń jertólesine sý tolyp qalǵan.
