Aqtóbede eki jasar qyz altynshy qabattyń balkonynan  qulap, aman qaldy, - dep habarlaıdy Qamshy.kz "Dıapazon" basylymyna silteme jasap.

Oqıǵa 28 mamyrda, kóshede júrgen turǵyndardyń kóz aldynda boldy.

Aıanany  jansaqtaý bóliminen  neırohırýrgıaǵa aýystyrdy.  Onyń ishki organdary janshylyp, ıegi jaraqattanǵan, balanyń jalpy jaǵdaıy turaqty. 

Dárigerler men kýágerler balanyń birde-bir jeri synbaǵanyna  tań bolyp otyr. Qazir Aıana aýrýhanada, sóıleıdi, oınaıdy, jaǵdaıy jaqsy.

«Bul ýaqytta balalar dalada júrgen, bári bolǵan jaıdy kórgen soń qorqyp, jylady. Olar qyzdyń kózi aq bolǵanyn, aýzynan qan aqqanyn aıtty. Ol qozǵalyssyz jatty, tipti jylaǵan da joq. Anam dáriger, júgirip baryp oǵan alǵashqy kómek kórsetti, muz qoıdy. Úı janynda balalar hırýrgi turatyn, ol da kómek kórsetti. Sosyn qyzdyń ákesi keldi. Oǵan anam men hırýrg balaǵa tıispeýdi, onyń synǵan jerleri bolýy múmkin ekenin aıtty. Ákesi tyńdamaı, qyzyn qolyna aldy. Jedel járdem jyldam jetip, ony alyp ketti», - dedi oqıǵaǵa kýá bolǵan Janna.

«Úıde qonaq bolǵan, men tamaq daıyndap jatyr edim, - deıdi ol, - biz balkondaǵy terezeni japqanda, balalar ashpas úshin tutqany alyp tastaımyz.  Aıana shkaftan tutqany alyp, ózi ashqan. Ulym Aıana tereze aldyndaǵy taqtaıda ilinip turyp, qulap ketkenin kórgenin aıtty. Kórshiler qońyraý shalyp aıtty, terezeden qarasam, ol jerde jatyr. Bul jaıynda aıtý da ońaı emes. Aıana óte belsendi bala. Qazir óz-ózine keldi. Azdap oınaıdy, ózi tamaq jeıdi. Qozǵalady. Azdap álsizdeý, árıne. Endi bir sekýnd ta qaraýsyz qaldyrmaımyn. Endi bul úıde turǵym kelmeıdi, jer úıge kóshemiz», - deıdi Aıananyń anasy.