ESENǴALI RAÝSHANOV BOLMASA…
Qazaqtyń sózin Jazýshylar odaǵy emes, bireń-saran aqyndar ǵana sóıleıtin boldy. Sonyń biri – Esenǵalı Raýshanov. Ótkende «Memlekettiksyılyqqa Gúlnar Salyqbaıdyń ótpeı qalǵany masqara!» depkúıip-pisip júrgenin kórip: «Shyn talantqa, qaryndasqa jany ashyǵan osyndaı-aq bolsyn» degenbiz.Ókinishtisi, elimizdegi ádebı basylymdar osyndaı aqyndardyń «tamyryn basyp», oqylymdy suhbat bermeıdi. Áıtpese, basqa basqa, Esenǵalı Raýshanovtyń sózi «ótpeı» qalǵan jeri joq. Bir ǵımaratta jumys istegesin be, ol kisini qandaı oı mazalap júrgenin jaqsy bilemiz ǵoı.
Ótken jyly Tahaýı Ahtanovtyń 90 jyldyq mereıtoıy ótti. Sonda eske alý keshine arnalǵan shaqyrýbiraz ǵımaratqa ilindi. Baspalar úıinde kúrdeli jóndeý jumystary júrip jatqan. Lıftiniń janyndaǵy habarlandyrý buryshyna da Tahańnyń sýretimen ádemi jarnama jarq ete qaldy. Biraq sol jarnamaǵa nazar salǵan jandar kemde-kem boldy. Qatelespesek, Tahaýı Ahtanov eki aıdan asa ýaqyt lıftiniń esigin kúzetti. Qurylysshy da, bala-shaǵa da ary-beri ótkende súıkenip, jazýshynyń keýde tusyn satpaqtap tastapty. Sonda da mán bermeı júre berippiz. Al Esaǵań… Qadirli aǵasynyń sýreti qor boldy dep, álgi sýretti qıyp alyp, kabınetine alyp ketti. «Jazýshynyń beti satpaqtalǵany uıat boldy» dep, biz tústen keıin opyndyq. Esimizdi kirgizgen sol baıaǵy Esaǵań… Al Esaǵań múshelikte bar Jazýshylarodaǵyna es qashan kirer eken? Onda endiqazaqtyń sózi sóılenip, múddesi qorǵala ma? Másele sonda…
NURǴALI NÚSİPJANOV BATA BERE ALMAI MA?
Teledıdar qarap otyrǵanbyz. Bir baǵdarlamada Nurǵalı Núsipjanovtan as qaıyrýdy ótindi. Qandaı bata berer eken dep, ekranǵa tesile qalǵanymyz bar bolsyn, ánshi aǵamyz bata bere almady. Bata beremin dep, uzyn-sonar tost aıtyp ketti. Tórt jol bata aıtý túk te qıyn emes qoı úlken kisige. Sózin túıindegende baryp, janyndaǵy adamdardyń bata dep qol jaıyp otyrǵany esine tústi-aý deımin. «Sol úshin aldaryńdaǵyny alyp qoıyńdar» demegenine shúkir dedik. Ánshiniń sózge shorqaqtyǵyn buryn da biletinbiz. Dese de, jetpisten asqan aqsaqaldyń mandytyp bata bere almaǵany birtúrli eken.
İlgeride bir úlken asta jetpistegi aqsaqal jazýshymyz da bata bere almady. Ol da tost aıtyp turyp aldy. Uıattan jerge shuqıdyq. Sonda Nurtileý Imanǵalıuly shydamaı: «Men bata bereıinshi», – dep ornynan atyp turǵan. Malta ezip turǵan aqsaqaldan mıkrofondy aldy da, bata aıtty. Bergen batasyn bata dersiń. Rıza bolyp, ynta-yqylaspen bet sıpadyq. Sonda Nurtileý Imanǵalıuly: «Aqsaqaldar, bata berip úırenińdershi», – dep salǵan dúıim eldiń kózinshe. Ashynǵandyqtan aıtty. Bata jattaı almaıtyn aqsaqaldarǵa qalaı ashynbassyń…
"Aqjelken"
