Jol apatyna kináli tanymal adamdardyń balalaryn qatań jazalaý qajet. Bul týraly búgin Almaty qalasynyń damýyna arnalǵan keńeste Elbasy Nursultan Nazarbaev aıtty.
Krımınogendik ahýalǵa toqtalǵan Memleket basshysynyń sózine qaraǵanda, qalada 53 myń qylmys tirkelip, onyń 80 paıyzy ashylady. Bul rette jasóspirimder arasyndaǵy qylmystyń artyp otyrǵandyǵy baıqalady. Osyǵan oraı ákimdiktiń ótinishimen ishki ister departamentiniń shtat sany ulǵaıtyldy. Degenmen áli kúnge 500 oryn bos tur.
Sonymen qatar Prezıdent Almaty turǵyndary men qonaqtarynyń qaýipsizdigin qamtamasyz etýdi qatań tapsyrdy. Elbasy jol-kólik oqıǵalaryna da basa nazar aýdaryp, olardyń sany 3 esege artyp, 7000 oqıǵa deıin jetkenine basa nazar aýdardy.
«Bul rette jol-kólik apaty tanymal adamdardyń balalarynyń jáne týystarynyń qatysýymen oryn alatyndyǵy jaıynda faktilerdiń az emestigine nazar aýdarý qajet. Zań aldynda barlyǵy da birdeı. Sondyqtan da bul jaǵdaılarda balalardy da, ata-analardy da qatań jazalaý qajet», - dedi Elbasy.
inform.kz
