Almaty kóshelerinde ornatylǵanyna kóp bolmaǵan, esh búlinbegen jol jıegindegi bordúrler jappaı qaıta aýystyrylyp jatyr, - dep Qamshy.kz 31-arnaǵa silteme jasap.
Al keshe ǵana nóser jaýynda sýdyń astynda qalǵan Almatyny synaǵan úkimet basshysy, Baýyrjan Báıbekke qonaqqa keletinin eskertti. Kóshelerdiń sýǵa tolýyna Almatyǵa 28 ózen men jańadan qosylǵan eldimekender kináli degen qala ákimi, tasqynnyń aldyn alý jumystary toqtaýsyz júrgizilip jatyr dep aıtqan bolatyn.
Almatynyń birneshe bóliginde jaýynnan keıingi tasqynnyń aldyn alý jumystary júrip jatsa, ózge bóliginde on shaqty tehnıka men 40-50 jumysshy birneshe kúnnen beri jol jıektemelerin almastyryp álek. Tek ornatylǵanyna kóp bolmaǵan esh búlinbegen, bútin jıektemelerdi nelikten jańasyna aýystyryp jatqany túsiniksiz. Munda qurylys jumystyryn júrgizip jatqan mekeme ókilderi bul ákimdiktiń tapsyrysy degendi aıtady.
Bul ál-Farabı dańǵylynan halyqaralyq shańǵy tramplıni keshenine aparatyn jol. Uzaqtyǵy bir shaqyrymdaı bolatyn osy joldyń qos qaptalyndaǵy jıektemeler túgeldeı aýystyrylyp jatyr. Beıresmı málimet boıynsha ornatylyp jatqan granıt jıektemeniń bir metri 7 myń teńgeden.
- Eshqandaı búlinbegen ǵoı. Búp-bútin.
- Men bilmeımin ǵoı.
- Sizderge bireý aýystyr dedi ma?
- Iá, akımat qoı. Konechno, akımat. Mynaý peschannyı bolǵan, anaý granıt.
Qalanyń ózge kóshelerinde de jıekteme aýystyrý jumystary qyzyp tur. Máselen, Seıfýllın dańǵylynyń Tımırázev kóshesimen qıylysar tusynda birneshe kúnnen beri osyndaı jumys jalǵasýda. Tóle bı men Ótegen batyr kósheleriniń qıylysar tusynda da jańa jıekteme ornatylýda. Al, nóser jaýyn kezinde ózen bop aqqan tasqyn úshin aryq júıesin jaqsartpaǵan Almaty bıligine keshe Kárim Másimov te zildi eskertý aıtqan.
KÁRİM MÁSİMOV, QR Premer-mınıstri:
- Ia planırýıý v blıjaıshıe vremá prıehat k vam. Hochý na meste posmotret to o chem vy seıchas govorılı. Prámo nogamı s vamı proıdem. I posmotrım. Vse chto vy skazalı ı vse chto na samom dele. Ia potom datý opredelú.
Bir kúnde sýdyń ortasynda qalǵan Almaty ákimi premerden mundaı jaýap kútpedi me artynsha qala kóshelerinde aryqtardy tazartý jumystary qarqyn aldy. Ásirese, jolaıryqtarda tazartý jumystary kesheli beri tynymsyz júrip jatyr. Al kún raıyn boljaǵyshtar 22-23 maýsymda nóser jaýyn bolady degen.
