Atyraýlyqtar taǵy bas kóterdi. Ashynǵan turǵyndar  bul joly ákimdik ǵımaratyn basyp kirdi. Qala  irgesindegi qara joldyń jyry jurttyń  júıkesin ábden juqartsa kerek,  narazy topty eshkim toqtata almady, - dep Qamshy.kz 31-arnaǵa silteme jasap. 

Kóp jyldan beri jasalmaǵan jol atyraýlyqtardy ashýlandyrdy. Búgin Birlik aýylynyń turǵyndary bas biriktirip, Geolog aýyldyq okrýgi ákimine keldi. Másele bireý. Turǵyndar úshin júrer joldyń jasalǵandyǵy kerek.

JUMAGEREI JÁKESBAEV, Qala turǵyny:

-Baldar sabaqqa bara almaıdy. Avtokólik kire almaıdy, ishke, eshqandaı. Onyń da bólshekteriniń barlyǵy synyp dalada jatamyz. Sondyqtan ákimnen bizdiń surap otyrǵanymyz jol. 

BOLǴAN DÚISENBAEVA, Qala turǵyny:

-Jol joq, sol máselemen ákimge talaı ret keldik. Ýáde berý kóp, oryndap jatqan eshkim joq. 2009 beri júrmiz. Endi qazir, bıyl jeti jyl boldy.

Toǵyz jyl turǵyndardy sabyltyp qoıǵan toǵyz kósheniń joly, áli kúnge jasalmapty.

NURJAN JUMAHANOV, Geolog aýyldyq okrýginiń ákimi:

-Atalǵan kóshelerdiń smetalyq qundary eseptelip, qazirgi kúnde merdiger mekemege suranys berip otyrmyz. Sol suranys qashan aıaqtalady, sodan keıin baryp jumysqa kirisýimiz kerek.

Jumysqa endi kirisýimiz kerek degen aýyl ákimi turǵyndarǵa eki aı ýaqyt ishinde bir habaryn jetkizemin dep ýáde berdi. Al, turǵyndar shydamnyń taýsylǵandyǵynan Astanaǵa aryz jazatyndyqtaryn jetkizdi.