Qazaqstannyń ulttyq ekonomıka mınıstri Qýandyq Bıshimbaevtiń halyqpen esep berý kezdesýi ótti, onda vedomstvo basshysy bes aıda júrgizilgen jumystyń qorytyndysy jáne 2016 jyldyń sońyna deıingi qoıylǵan mindetter týraly aıtyp berdi, - dep habarlaıdy Qamshy.kz Ulttyq ekonomıka mınıstrliginiń baspasóz qyzmetine silteme jasap.

Qazaqstanda turǵyn úı qurylysyn damytýǵa erekshe nazar aýdaryldy. Mınıstrliktiń derekteri boıynsha 2016 jyldyń 5 aıynda 3,9 mln. sharshy metr astam turǵyn úı paıdalanýǵa berildi, bul ótken jyldyń uqsas kezeńiniń kóleminen 20,2% artyq. Nátıjesinde 33 myńnan astam otbasy turǵyn úı jaǵdaıyn jaqsartty.

«Nurly jol» memlekettik baǵdarlamasy sheńberinde   Qazaqstan ıpotekalyq kompanıasynyń jelisi boıynsha 2016 jyly jalǵa beriletin turǵyn úı qurylysyna 22,5 mlrd. teńge bólindi.

«2016 jyldyń qorytyndysy boıynsha  371,9 myń sharshy  metr turǵyn úıdi paıdalanýǵa berý josparlanyp otyr, bul 6 521 otbasynyń turǵyn úı jaǵdaıyn jaqsartýǵa múmkindik beredi» - dedi Bıshimbaev.

Qazirgi ýaqytta Qazaqstannyń úsh oblysynda (Shyǵys Qazaqstan, Qyzylorda jáne Qaraǵandy oblystary)  410 páter paıdalanýǵa berildi. Aqtóbe, Batys Qazaqstan, Soltústik Qazaqstan, Ońtústik Qazaqstan, Pavlodar, Qostanaı, Qyzylorda oblystary men Astana jáne Almaty qalalarynda  345,1 myń sharshy metr nemese 6111 páterdiń qurylysy júrip jatyr.

Budan basqa, «Nurly jol» memlekettik baǵdarlamasy sheńberinde bólingen qarajat esebinen 2016-2017 jyldary: 324,1 myń sh. metr jaldamaly turǵyn úı (shamamen 5 400 páter); 908,6 myń sh. metr jaldamaly turǵyn úı (shamamen 15 144 páter); 498,1 myń sh. metr komersıalyq turǵyn úı (shamamen 10 659 páter) salynatyn bolady.

Mınıstr, ekonomıkanyń ósýi úshin yntalandyrýlardyń biri turǵyn-úı qurylysyn ulǵaıtý, onyń ishinde jeke turǵyn-úı qurylysy. Bul rette qurylysqa bólingen alqaptar turǵyn úıler salý aldynda ınfraqurylymmen qamtamasyz etilýi tıis ekendigin atap ótti.

«Memleket basshysy Úkimetke 2016 jyldyń ekinshi jartyjyldyǵynda ekonomıkalyq ósýdi yntalandyrýǵa, onyń ishinde jeke turǵyn úı qurylysyna ınfraqurylym júrgizýge qosymsha qarajat bólýdi tapsyrdy. Osy maqsattarǵa shamamen 23,9 mlrd. teńge bólý josparlanyp otyr. Nátıjesinde 1 myń km. jýyq ınjenerlik jeliler salynatyn bolady», - dep habarlady Bıshimbaev.