Bıylǵy Naýryz-2014 Jylqy jyly qarsańynda qurylǵan NAÝRYZ-ALÁNS qaýymynyń jumysyn qorytyndylasaq,  qaýym josparlaǵandaı bes toppen jumys atqardy:

1. Zıaly qaýym: klýbqa birigýge tilektes ǵalymdar, barlyq ónerpaz tulǵalar men memlekettik,qoǵamdyq qaıratkerler,

Jýrnalıser ár óńirde ortaq jobany Naýryz-fest (toǵyzkúndik festıvál) uıymdastyrýdy. Aqtóbelik jýrnalıs RIKA telearnasy Jańagúl Júrsin bastaǵan top 14 naýryzdan bastap ár kúnge telekórsetim, múzıkl túrindegi ónimderin berdi. Bul – qaýymnyń bir seltetkizeri. Ekinshi seltetkizer: «Terisqaqpaı» teatry arnaıy jobamen shyqty. Úshinshi seltetkizer: týyndygerler arasynda Ermek Tursynov jańa «Kempir» atty fılminiń betin Naýryz qarsańynda ashyp, jaqsy dástúrdi bastady. Tórtinshi seltetkizer: qutparaq bezendirý boıynsha kirisken astanalyq sýretshi Ańsa Mustafa men almatylyq dızaıner Svetlana Popova (Veta) qazaqy boıaýǵa toly, mazmunǵa baı týyndylaryn jarıalap Naýryzǵa qatysty toǵyz kúndi boıaýǵa qandyrdy. Ókinishke oraı, qarjynyń joqtyǵynan týyndylar qutparaqqa, plakatqa aınalmaı qaldy...

1. Ákimshilik toby. Belgili jýrnalıs, búginde OQO ákiminiń jarıa qyzmetin basqarýshy Berik Ýálıdiń septigimen, OQO ekibastan oblys ákimi A.Myrzahmetovtyń qoldaýymen bıyl da Naýryzdyń aıyzy qanǵan mereke Shymkentte bolyp ótti. Qalada tipti Naýryz alańy paıda boldy. Ónis kúni beshpet-shalbar tigetin kombınat iske qosyldy. Ókinishke oraı, QR Mádenıet mınıstrligi ulttyq-memlekettik merekeni bıyl da óz deńgeıinde óterlik qyzmet atqarmady. Bar bolǵany jergilikti ákimdikter deńgeıinde jyldaǵy etnografıalyq eske alý kúnderi qaıtalandy. Onyń esesine Túrkıada túrkilerdiń mádenı astanasy mártebesi bar Eskisheher qalasyndaǵy Naýryz meıramy aıtarlyqtaı jalpytúrkilik aıqymdy qamtydy. Shyǵys Qazaqstan oblysy 7 kún boıy toı-dýman ótkizetini týraly sybys shyqqanymen naqty nasıhaty baıqalmady.

1. Memlekettik uıymdar tobyndaǵy kompanıalar, JOO, mektepter, kolejder, lıseıler, balabaqshalarǵa jyldaǵy qarqynmen, sıpatpen qazaq Jańa jyldy fólklormen, etnografıamen «kórkemdedi». Atalmysh uıymdar arasynda kreatıvke,naýryzdyq tanym men bolmysqa qurylǵan mereke neken saıaq boldy.

1. Bıznes-qurylym tarapynan Naýryz merekesine degen múddelik sezim men bastama baıqalǵan joq. «Atameken» atty ulttyq palatasy bar egemen eldiń bıznesmenderi ulttyń «shúlen taratý» degen aıaýly dástúrin de qalpyna keltirmedi... mynadaı eki baǵyttyń biri de qozǵalǵan joq:

• Naýryzdy merekeleýge qatysty atrıbýttardy ázirleýge, nasıqattaýǵa qajetti shyǵyndarǵa demeýshilik kórsetý;
• Naýryz meıramyna qatysty suranys týdyratyn komersıalyq ónimder men jobalardy atqarýǵa ınvestor bolý.

1. 5.     Nasıqatshylar qatarynda Abaı.kz., Qamshy.kz., «Vechernáá Astana» gazeti, «Shalqar» radıosy, «Qazaqstan» telearnasy, «Qazaqıa», «Jebe» gazetteri taǵy basqa BAQtar, sondaı-aq Feısbýktaǵy «Naýryz» tobynyń múshe-blogerleri belsene qatysty.

Jalpy alǵanda, bıylǵy Naýryz da jyldaǵydaı kúntizbelik Jańa jyl merekesine jeterlik jarqyn keıip bolmady, mıllıondaǵan qarjy bólinbedi. Jergilikti ákimdikterge qaraıtyn Mádenıet basqarmalary jer shuqyǵan kúıi ótkizdi. Árıne, kıizúı tigip kósheniń sánin keltirgendi eskermegende... Desek te, Ýkraın-Reseı oqıǵasy qarsańyna dóp kelgen Jylqy jylynyń meıramy eldiń egemendigin báribir pash etti, el eńsesin kóterdi. Qoryta aıtsaq, Naýryz-aláns qaýymy qalyptasty, kelesi jylǵa alaqandaryn ysyp shyǵatyn jandar legi toptasty.