Aqtóbede tórt aıaǵy bar bala dúnıege keldi. 4 aıaqpen týǵan bala - egizdiń syńary. Ol 23 maýsymda týǵan, - dep habarlaıdy Qamshy.kz Diapazon.kz - ke silteme jasap.
Balanyń 4 aıaǵy bar. Júrek tamyrlarynyń damýynda, aınalshyqta aqaý bar. Tik isheginiń ornyna aıaq ornalasqan. Senbi kúni sábıge jasalǵan ota sátti ótken. İsh bosatýy úshin onyń ishegin aldyńǵy qursaq qabyrǵasyna shyǵarǵan. Sebebi balanyń tabıǵı jolmen ish bosatýyna múmkindigi joq. Bala qazir reanımasıada. Alda áli birneshe ota jasalyp, artyq aıaqtary alynbaq.
Mundaı anomalıa oblysta buǵan deıin bolmaǵan. Mamandardyń sózinshe jańa týǵan sábılerdiń bul derti ınfeksıaǵa, qan azdyqqa, ekologıaǵa, sondaı-aq analarynyń júktilik kezinde keıbir dári-dármekterdi qabyldaýyna baılanysty bolýy múmkin. Jas otbasy Aqtóbe qalasyna aýdan ortalyǵynan kóship kelgen.
Al dúısenbi kúni Aqtóbe qalasynyń basqa perzenthanasynda aıaq-qolyna qosyla ósken óskini bar bala dúnıege kelgen. Qazir sábı tekserýden ótkizilip jatyr. Dárigerlerdiń sózine sensek, atalmysh anomalıa ýaqyt óte emdeledi. Kúni búgin shuǵyl ota jasaý qajet emes.
