Qazaqstan Parlamentiniń depýtattary 29 mamyrdan bastap kanıkýlǵa ketti. «Halyq qalaýlylary» jumysyn 1 qyrkúıekte qaıta bastaıdy, - dep habarlaıdy Qamshy.kz.

Altynshy saılanǵan Parlamenttiń birinshi sesıasy úsh aı ǵana jumys istese de, elimizde mańyzdy sheshimdi qabyldaýdy qajet etetin kóptegen eleýli oqıǵalar oryn aldy. Bul týraly búgin palatalardyń birlesken otyrysynda QR Parlamenti Májilisiniń Spıkeri Nurlan Nyǵmatýlın málim etti.

«Qasıetti Otanymyz Qazaqstanymyzdyń Táýelsizdik alǵanyna bıyl 25 jyl tolady. Bul jyldardyń árbir kúni, árbir aıy, árbir jyly biz úshin óte mańyzdy, óte baǵaly. Osy ýaqyttyń ishinde ózimizdiń qazaqstandyq damý jolyn qalyptastyryp, búkil álem tanyǵan abyroıly, bedeldi jáne óte yqpaldy memleketke aınaldyq. Bul, eń aldymen, Tuńǵysh Prezıdentimiz Nursultan Ábishuly Nazarbaevtyń eren eńbeginiń, sonymen birge árqashan Prezıdentimizge tirek bolyp, qolaý bildirgen halqymyzdyń bereke-birliginiń jemisi», - dep toqtaldy N. Nyǵmatýlın.

Sonymen qatar ol osy úlken jolda táýelsiz tarıhymen birge kele jatqan Parlament te elimiz damýyna qosyp jatqan úlesi óte zor ekenin atap ótti. «Qurmetti depýtattar! Barshańyz jaqsy bilesizder, altynshy saılanǵan Parlamenttiń birinshi sesıasy úsh aı ǵana jumys istedi. Biraq ta az ǵana ýaqyt bolsa da, elimizde mańyzdy sheshimdi qabyldaýdy qajet etetin kóptegen eleýli oqıǵalar oryn aldy»,-dedi Májilis Spıkeri.

Atap aıtqanda, sesıa ishinde Parlament Palatalarynyń úsh birlesken otyrysy, Májilistiń 12 jalpy otyrysy, 3 «Úkimet saǵaty», turaqty komıtetterdiń 109 otyrysy, zań jobalary boıynsha jumys toptarynyń 160 otyrysy,  7 «dóńgelek ústel», komıtterdiń 3 kóshpeli otyrysy ótkizildi