29 maýsym 2016 jyly Qazaq sport jáne týrızm akademıasynda Brazılányń Goıanıa qalasynda 3-10 shilde aralyǵynda ótetin fýtzaldan stýdentter arasyndaǵy álem chempıonatyna qatysýshylardy shyǵaryp salý rásimi ótti, - dep habarlaıdy Qamshy.kz.
Bul chempıonat eki jylda bir bolady. Eń alǵash 1984 jyly Halyqaralyq stýdenttik sport federasıasynyń (FISU) qoldaýymen ótken bolatyn. 2008 jyldan bastap qyzdarda qatysatyn boldy. Osy jyly atalǵan chempıonatqa jıyrmadan astam komanda qatysady, olardyń arasynda bizdiń qyzdardan jáne erlerden quralǵan eki komanda bar. Oıyndar Brazılányń Goıanıa qalasynda ótpek. Chempıonat aıaqtalysymen arnaıy FISUdyń týyn Qazaqstanǵa berý rásimi ótedi. 2018 jyly fýtzaldan stýdenttik komandalar arasyndaǵy álem chempıonaty Almatyda ótpek. Almaty – fýtzaldan 2018 jylǵy Álem chempıonatyn ótkizý jónindegi jerebede jeńis tuǵyrynan kórindi. Stýdentter arasynda fýtzaldan Álem chempıonatyn ótkizý jónindegi baıqaýǵa 8 memleket usynys berip, úmitkerler arasynda Almaty jeńimpaz dep tanylǵan bolatyn. Fýtzaldan Ulttyq stýdenttik lıganyń deńgeıi jyldan-jylǵa kóterilip keledi. Jalpy alǵanda, 2018 jyly Almatyda ótetin stýdenttik komandalar arasyndaǵy fýtzaldan álem chempıonaty Ortalyq Azıada ǵana emes, TMD elderi tarıhynda tuńǵysh ret ótkizilgeli otyrǵan aýqymdy, mańyzy zor shara.
Shara sońynda QR stýdenttik sport federasıasynyń prezıdenti Qaırat Qaırollauly Zakıránov erler komandasynyń kapıtanyna elimizdiń týyn tabys etip, jeńispen oralýlaryn tiledi.
