12 jasar almatylyq Álıhan Buldybaev Rıannanyń oryndaýyndaǵy hıt ándi aıtyp, jurtty tań qaldyrdy. Álıhannyń stýdıada án oryndaý sáti túsirilgen vıdeo jelide jarıalandy, - dep habarlaıdy Qamshy.kz.

Tórt jasynan beri sporttyq bımen áýestenetin Álıhan buǵan deıin eshqashan vokalmen aınalyspaǵan kórinedi.

Sondaı-aq, Álıhan bes jasynan bastap mýzykalyq mekteptiń skrıpka synybynda tálim alǵanyn, 2013 jyly Barselonada ótken skrıpkashylar baıqaýynda 2-oryn ıelengenin de aıta ketý kerek.

Daýsy men estý qabyleti erekshe Álıhan bolashaqta Kalıfornıa óner ınstıtýtyna oqýǵa túsip, ánshi, akter bolýdy armandaıdy.

Onyń Rıannanyń ánin tańdaýynda da mán bar. Barbados ánshisi balanyń erekshe súıip tyńdaıtyn ánshisi. Sondaı-aq, ol Shakıra, Beıonse, Sıı, Adel, Djeı-Zı, Emınem, Imagine Dragons, Maroon 5, Black Eyed Peas syndy sheteldik juldyzdardyń ánderin de súıip tyńdaıtyn kórinedi.