Qaraǵandy oblysynda qoldan jasalǵan jarylǵysh quraldardy qoldana otyryp, teraktilerdi uıymdastyrmaq bolǵan radıkal tobynyń bes múshesi eki aıǵa qamaýǵa alyndy, dep habarlaıdy Qamshy.kz Tengrinews.kz –ke silteme jasap.

Lańkesterdiń biriniń 26 maýsymda ózin-ózi jaryp jibergeni belgili.

"Balqash qalalyq soty QR Qylmystyq kodeksiniń 257-babynyń 1-bóligi ("Terrorıstik top qurý, oǵan basshylyq etý jáne onyń áreketine qatysý") jáne 287-babynyń 5-bóligi ("Qarýdy, oq-dárilerdi, jarylǵysh zattardy jáne
jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý") boıynsha kúdiktilerge qatysty eki aıǵa qamaýǵa alý túrindegi bultartpaý sharasyn tańdaý týraly bes materıaldy qarady", - dep habarlady sottaǵylar. 

Qamaý merzimi 2016 jyldyń 26 tamyzyna deıin. Kúdiktilerdiń barlyǵy - Qaraǵandy oblysynyń týmalary, 1979, 1981, 1985, 1980 jáne 1990 jylǵylar. 

"2016 jyldyń sáýirinde Qazaqstan azamaty, Balqash turǵyny dástúrli emes dinı aǵymnyń ustanýshysy Qaraǵandy oblysynyń Balqash aýdanynynyń terıtorıasynda sybaılastar tobyn qurǵan, oǵan Balqash jáne Gúlshat eldi mekeniniń turǵyndary kirgen. Bul lańkestik toptyń maqsaty - terorıstik qylmystar jasaý, onyń ishinde Qazaqstan Respýblıkasynda qoldan jasalǵan jarylǵysh zattarmen terorıstik aktilerdi jasaý jáne "DAISH" halyqaralyq lańkestik tobyna kómektesý", - delingen habarlamada.

Eske salaıyq, Qaraǵandy oblysynda lańkes ózin-ózi jaryp jibergen edi. "2016 maýsymda Balqash qalasynda jáne Qaraǵandy oblysyndaǵy Gúlshat eldi mekeninde qoldan jasalǵan jarylǵysh zattardy qoldana otyryp, terorıstik aktiler uıymdastyrýdy josparlaǵan radıkal toptyń joly kesildi", - dep málimdegen edi QR UQK baspasóz qyzmetindegiler.