Qaraǵandy oblysyndaǵy Gúlshat eldi mekeninde bolǵan oqıǵanyń shýy da áli basylǵan joq, - dep habarlaıdy Qamshy.kz 31-arnaǵa silteme jasap.

Lańkestik shabýyldan soń jaqyn mańdaǵy aýyl - aımaqtardaǵy  kúdik týdyrǵan  azamattar  jappaı ustalyp jatyr. Kýágerlerdiń aıtýynsha, qazir barlyǵy suraqtyń astyna alyndy. Sondaı-aq, Balqash qalalyq soty oblysta terakt jasamaq bolǵan degen bes kúdiktini eki aıǵa  qamaýǵa alý týraly búgin  sheshim shyǵardy.

Sondaı-aq, kýáler quqyq qorǵaýshylardyń ásirese oqıǵa bolǵan jerdi torýyldap júrgenin aıtady. Sózderinshe, shabýyldyń ózi Balqash stansasyndaǵy jeke sektordaǵy úılerdiń birinde bolǵan. Al terorıstik aktini daıyndady degen sodyrlardyń biri óz úıinen ustalypty. Eske sala keteıik, Gúlshat eldimekeninde 26 maýsym kúni lańkestik áreket barysynda bir azamat ózin-ózi jaryp jibergen edi. Al arnaıy operasıa kezinde salafızm aǵymyn ustanýshy alty azamat ustalǵanyn,  elimizdiń ulttyq Qaýipsizdik komıteti resmı túrde jarıalady. Olardyń barlyǵy jergilikti turǵyndar.