Túrkıa áýejaıyn jarǵandar beınebaqylaý kamerasyna túsip qalǵan. Taspada jarylǵysh zat kótergen jankeshtilerdiń ǵımarat ishine jaıbaraqat kirgenderi kórinip tur, - dep habarlaıdy Qamshy.kz KTK arnasyna silteme jasap.

Bul kadrlar qazir Túrkıanyń túkpir-túkpirine tarap jatyr. Úsh jankeshtiniń biriniń aty-jóni belgili boldy. Ol Músilim Saryııar degen túrik azamaty bop shyqty. Óz otandastaryna oq atyp, artynsha óz-ózin jaryp jibergen jigit ǵımarat ishine birinshi bop kirgen. Búgin Ystambulda osy lańkestik áreketke qatysy bolýy múmkin degen kúdikpen 13 adam quryqtaldy. Qaladaǵy birneshe páterlerdi tintigen polısıa qyzmetkerleri olardan qarý-jaraq pen jarylǵysh zattar tárkiledi. Sondaı-aq, Izmırde lańkesterge qoldaý bildirdi degen kúdikpen 9 adam ustaldy. Esterińizge salsaq, aldyńǵy kúni Atatúrik áýejaıynda úsh jankeshti ózderin jaryp, sonyń saldyranyn 40-tan asa adam qaza taýyp, 200-den astamy jaralanǵan bolatyn.