Jumyssyz bolǵan Aqtaý turǵyny páterinde jylyjaı jasaqtap, onda esirtki ósirgen, dep habarlaıdy Qamshy.kz Mańǵystaý oblystyq İİD baspasóz qyzmetine silteme jasap.
Vedomstvo aqparatynsha, 30 jastaǵy áıel buryn saýda salasynda jumys istegen. Alaıda keıin ol esirtkini zertteý ádisin meńgerip, 5-11 meken jaıyndaǵy páterin plantasıaǵa aınaldyrǵan.
Kórshileriniń sózine qaraǵanda, olar áıeldiń ne ósirip jatqanyn bilmegen. Esirtki bıznesine qarsy kúres basqarmasynyń qyzmetkerleri azamatshanyń zańsyz áreketin «Kóknár-2016» jedel-aldyn alý sharasy kezinde anyqtaǵan.
Tintý kezinde tártip saqshylary ustalǵannan salmaǵy 12,44 gramdy quraıtyn 32 qarasora túbin tárkiledi. Áıel úıinde esirtki ósirý úshin barlyq jaǵdaı jasaǵan eken. Sýarý júıesi jáne aýa temperatýrasyn baqylaý júıesimen jaraqtandyrylǵan.
«Ustalǵan A. azamatshasyna qatysty QR QK 300-baby 1-bólimi boıynsha qylmystyq is qozǵaldy. Qazir sotqa deıingi tergeý amaldary júrgizilip jatyr», - dedi Mańǵystaý oblystyq İİD baspasóz qyzmetinen.
