Batys Qazaqstan oblysynyń Aqjaıyq aýdanynda belgisiz dertten bir iri qara, sondaı-aq Chapaev jáne Neftebaza aýyldarynda 6 buzaý ólgen6 - dep habarlaıdy Qamshy.kz  24.kz-ke silteme jasap.

Aýyrǵan mal sany 30 bas

 Aýdandyq bas veterınardyń aıtýynsha, Neftebaza aýylynda maldyń aýyrǵany týraly aqparat maýsymnyń 17 kúni túsken. Maldan alynǵan synamalar dereý oblystyq zerthanaǵa jóneltildi. Ázirge onyń qorytyndysy shyqqan joq. Degenmen, Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń oblystyq aýmaqtyq ınspeksıasynyń basshysy Temirhan Qonaqbaevtyń aıtýynsha, mal pasterellez aýrýyna shaldyǵýy múmkin. Naqty dıagnozy kelesi aptada anyqtalady. Ázirge veterınarlar bul aýyldardan et pen sút ónimderin shyǵarýǵa tyıym saldy.

«Bir buzaý óldi. Qoranyń ishinde sýdy ishe almady. Árqaısysyna shelekpen aparady. Aýyzdarynan appaq kópirik shyǵa bastady. Birden temperatýra, ishi qabysyp, tamaq ishe almaı, aýyzdary tolǵan jara, sonyń bárin shaıyp, bálen kún emdedi ǵoı», - deıdi Neftebaza aýylynyń turǵyny Qalýet Omarova.

«Belgisiz aýrý bolǵannan keıin halyqqa eskerttik, aýrýdy anyqtaǵansha etin, sútin ishpeýge shaqyrdyq. Mal dárigerleri kúndelikti aralap jatyr, tańerteń jáne keshte maldy qarap jatyr. Saý maldarǵa ruqsat beriledi de, aýrý maldaryna jańaǵydaı eskertý berildi. Biz shópten ýlanýy múmkin dep kúdiktenip otyrmyz. Basqa zertteýler ázirge nátıje bergen joq», - dep málimdedi  Aqjaıyq aýdandyq veterınarıa bóliminiń basshysy Maqtaýǵalı Nuralıev.