Búginnen bastap elimizdegi sheteldik telearnalar jarnama kórsetýdi toqtatty. Qazaqstanda qaıta translásıalanatyn arnalardyń efır arqyly túrli taýar nasıhattaýyna zańmen tyıym salynyp otyr, dep habarlaıdy Qamshy.kz  

Buǵan deıin sheteldik telearnalar syra sıaqty zıandy taýarlardy erkin jarnamalap kelgen. Sóıtip, qyrýar qarjy shekara asyp jatqan edi. Endi  jylyna jarnamadan túsetin 4 mıllıard teńge otandyq telearnalardyń qaltasynda qalatyn boldy. Negizi bul qujat qańtardan bastap kúshine enýi kerek bolǵan. Kabeldik operatorlardyń ótinishi boıynsha, daıyndyqqa jarty jyl qosymsha ýaqyt berildi. Sheteldik arnalar da jańa talapqa kelisipti. Al, sheteldik telekompanıalar elimizde erkin jarnama taratý úshin zańdy túrde tirkelýi tıis. Sóıtip otyndyq arnalar syndy salyq tóleýge mindetti. Qazir Qazaqstanda kabeldik júıe arqyly 150 telearna taraıdy eken. Onyń 70 paıyzy sheteldik.