Aqmola oblysy Stepnogorsk qalasyna qarasty Bestóbe aýylyna kópten kútken sýmen jabdyqtaý júıesi iske qosyldy. 22 jylda alǵash ret tartylyp otyrǵan sý qubyryn úsh jyldyń ishinde «Bestóbe aýylynyń sýmen jabdyqtaý júıesin qalpyna keltirý» jobasy aıasynda jasap shyqty, - dep habarlaıdy Qamshy.kz qala ákiminiń baspasóz qyzmetine silteme jasap.

Osy ýaqytta qurylys kompanıasy aýyl arasyna 95 shaqyrym jeli - 15,2 shaqyrym torapty jáne 79,8 shaqyrym taratýshy jeli júrgizgen. Al bıylǵy jaz boıy qosý-retteý jumystary júrgizilip, turǵyn úı sektoryndaǵy sýmen jabdyqtaý quraldary, áleýmettik mańyzy bar nysandar jóndelgen. Ol úshin respýblıkalyq búdjetten jalpy somasy 1 718,9 mln. teńge qarajat bólindi.

Aýyl turǵyndary úshin bul kópten kútken mańyzdy oqıǵa, sebebi 22 jyl boıy bestóbelikter uńǵymalardan sanıtarlyq normalarǵa saı emes, sapasy nashar sý tasyp, iship kelgen. Sý qubyryn paıdalanýǵa berý arqyly Bestóbe aýyly turǵyndarynyń 100 paıyzy sapaly aýyz sýmen qamtamasyz etiledi.