Torǵaıǵa uqsas balyq buqaralyq aqparat quraldarynyń betterinde qyzý talqylanyp jatyr. Ony qostanaılyq Aleksandr Shıbanov ustap alǵan, - dep habarlaıdy Qamshy.kz 24.kz arnasyna silteme jasap.

«Mundaıdy kórgendegi meniń tańdanysymdy aıtsańyzshy! Men bul balyqty 29 maýsymda Syganskoe kólinen ustadym, ol Zýevka aýylynan (Altynsarın aýdany) shamamen 10 shaqyrym jerde ornalasqan. Dostarymyzben birge barǵanbyz. Bala kúnimnen balyq aýlaýdy janym súıedi. Alpys jyldyq tájirıbemde mundaı ǵajaıypty birinshi ret kórýim. Menińshe, bul móńke balyq buǵan deıin de bireýdiń qarmaǵyna túsken, tek ol úzilip ketip, aýyz tusy jyrtylǵan sekildi. Ýaqyt óte ol bitip, saldarynan erni burtıyp, tumsyqqa uqsap qalǵan. Buryndary alyp balyqtardy ustap maqtanatynbyz. Bıylǵy aý «torǵaı-balyqpen» este qalatyn boldy», - deıdi «Nash Kostanaı» gazetine bergen suhbatynda erekshe balyqty aýlaǵan Aleksandr Shıbanov.