Burynǵy Densaýlyq saqtaý mınıstri Salıdat Qaıyrbekova aýyr naýqastan kóz jumdy, - dep habarlaıdy Qamshy.kz .
Bul týraly eldiń premer-mınıstri Kárim Másimov óziniń Týıtterdegi paraqshasynda habarlady.
«Salıdat Zekenqyzy Qaıyrbekovanyń mezgilsiz qaıtys bolýyna baılanysty týystary men jaqyndaryna kóńil aıtamyn», - dep jazady premer-mınıstr.
Buǵan deıin burynǵy Densaýlyq saqtaý mınıstri S. Qaıyrbekovanyń Ulttyq neırohırýrgıa ortalyǵynda emdelip jatqany, densaýlyq jaǵdaıynyń aýyr ekeni habarlanǵan bolatyn. S. Qaıyrbekovanyń naqty dıagnozy men qaıtys bolýynyń jaı-japsary ázirge habarlanbady.
Salıdat Qaıyrbekova 2010-2014 jyldary QR Densaýlyq saqtaý mınıstri, 2014 jyldyń 6 qazanynan 2015 jyldyń 9 qazanyna deıin jańadan qurylǵan Densaýlyq saqtaý jáne áleýmettik damý mınıstrliginde vıse-mınıstr boldy. 2015 jyly 13 qazanda «Ulttyq medısınalyq holdıń» AQ-ǵa Basqarma tóraǵasy bolyp taǵaıyndaldy.
