Pavlordar qalasynyń turǵyndary erli-zaıypty Irına Shevchýkova men Vladımır Troshenko Qazaqstanǵa oraldy. Alaıda óz balalaryn Túrkıa klınıkasynda qaldyryp ketýge májbúr boldy, - dep habarlaıdy  Qamshy.kz Baq.kz -ke silteme jasap.

Sebebi ol ınkýbatorda jatyr. 750 gram salmaqpen týǵan shaqalaqqa, kem degende, eki kıllogram jınaý qajet. Oǵan úsh aıdaı ýaqyt ketedi. Osy qyzmeti úshin túrik klınıkasyna 50-60 myń dollar tóleý kerek.

Balanyń ata-analary - Irına men Vladımır Túrkıada qala almady. Sebebi turatyn jerleri jáne oǵan tóleıtin aqshalary joq. Oǵan qosa, klınıkada Irınany ózine kórsetilgen medısınalyq qyzmetter úshin 2,5 myń dollar kólemindegi aqyny tóleýge mindettedi. Otbasynyń týǵan-týystary, dostary men kómektesýge nıet tanytqandardyń arqasynda 2 myń dollardaı aqsha jınaldy. «Eýrazıa» atty saqtandyrý kompanıasy 300 myń teńgege jýyq aqshany aýdaryp berdi. Al Qazaqstannyń Túrkıadaǵy elshilik qyzmetkerleriniń aralasýymen túrik klınıkasy emdeýdiń qunyn 1,5 myń dollarǵa qysqartty. Degenmen, qazirgi aqsha balany alyp ketýge jetpeıdi.

Irına men Vladımırdiń aıtýynsha, saqtandyrý sharttaryna sáıkes, kem degende, 10 myń dollar tólenýi tıis. Sol sebepti olar osy másele boıynsha tıisti organdarǵa aryzdanýdy oılap otyr. Budan bólek, jas jubaılar Qazaqstandaǵy balalar quqyqtary jónindegi ýákili Zaǵıpa Balıevadan kómek berýdi suraıdy. «Biz shamamen eseptep kórdik, otbasymyzdyń barlyq páterlerin satsaq ta, ol aqsha bizge jetpeıdi», - dedi Irına.