Beıbit Ystybaev Astanada ótken QR Prezıdenti N.Á.Nazarbaevtyń júldesi úshin qazaq kúresinen «Qazaqstan Barysy» Vİ respýblıkalyq týrnırinde jeńimpaz atanyp, altyn belbeýge ıe boldy, - dep habarlaıdy Qamshy.kz Bnews.kz -ke silteme jasap.

Aqtyq aıqasta «Taraz arlany» laqap atymen belgili Beıbit Ystybaev ońtústik palýany Jumanazar Ersultanovpen beldesken edi. Nátıjesinde Beıbit qarsylasyn aıqyn basymdyqpen utty.

Osylaısha Jambyl oblysynan shyqqan Beıbit Ystybaev 3-shi ret «Qazaqstan Barysy» atandy.  

Beıbit osyǵan deıin 2012,2015 jyldary «Qazaqstan Barysy» ataǵyn jeńip alǵan bolatyn. Balýan 25 mln teńgeni qanjyǵasyna baılap, Astana qalasyndaǵy bir bólmeli páterdiń kiltine ıe boldy. Al onyń bapkerine 3,5 mln teńge tabystaldy.

Al «Qazaqstan Barysy-2016» týrnıriniń  kúmis júldesi ońtústik balýany  Jumanazar Ersultanovqa buıyrdy. Balýanǵa 5,5 mln teńge beriledi. Al onyń jattyqtyrýshysy 1,8 mln teńge kólemindegi qarjylaı júldege ıe boldy.+

Jarystyń qola júldegeri Aıbol Aıtbek 1,8 mln teńgeni aldy. Al bapkeri 900 myń teńgeni qanjyǵasyna baılady.

Sonymen qatar, «Kórermen kózaıymy» ataǵyn almatylyq palýan Vıktor Demánenko jeńip aldy. Oǵan 1 mln teńge aqshalaı júlde tabystaldy.

Al týrnırdiń qorytyndysy boıynsha Almaty oblysynan kelgen Aleksandar Kasachev «úzdik balýan»  atandy. Osylaısha, ol jeńil avtokólikke ıe boldy.

Aıtýly dodany Qazaqstannyń ulttyq arnasy men «Kazsport», sondaı-aq Túrkıanyń «TRT» arnasy jáne Reseıdiń «Boes» arnasy da tikeleı efırden kórsetti.