Shymkenttik tilshi men Tóreǵalı Tóreáli arasyndaǵy daýly vıdeo barlyq áleýmettik jelilerde tarap, qoǵamnyń qyzý talqysyna túsken bolatyn. Osyǵan oraı, ánshi ári eks-aıtysker aqyn Tóreǵalı Tóreáli tilshige óleńmen jaýap berdi, - dep habarlaıdy Qamshy.kz. 

Ánshi tilshige arnaǵan jaýap-óleńin ınstagram paraqshasynda jarıalady.

Jýrnalıs qyz, jónińdi bil…
Bos sózben bylǵamaıyq kóńildi bul,
Bir sátte óte shyǵar ómir-dúbir.
Óz qolym, óz turysym, óz uıatym,
Jýrnalıs qaryndasym, jónińdi bil!

Sen emes kóńilimdi kúıretetin,
Syılastyq óz-ózińdi syıly etetin.
Úıretpe, úırenbegen dúnıemdi,
Ákem men anashym bar úıretetin.

Aldymen aqylmenen ólshe tildi,
El-jurtqa kóksegeniń kórsetildi.
“Qolyma” tıiskenge qaraǵanda,
Qolyńnan keletini sol sekildi!?
Sensasıa jasaǵanyń barǵa málim,
Ol seniń – jalǵan keıpiń, jalǵan aryń.
Qaryndas, qoı ondaıdy,saǵan aıtam,
Tyńdasyn shý shyǵarǵan arnalaryń!
Báribir bul isińnen túk tappadyń,
Al qolǵa óz-ózińdi myqtap, hanym.
Sebep joq jar salardaı jurtqa jaıyp,
Kerek joq sý tatıtyn suhbattaryń!

Meıli, bul Tóreǵalı jyndy bolsyn,
Tek elge kórsetińder nurly jol shyn.
Qolyma tıiskenshe úırenińder,
Senderge “Ulttyq arna” úlgi bolsyn!

Jaraıdy,nesine sóz shyǵyndaımyn,
Ádepsiz arnalarǵa urynbaımyn.
Qolymnan mıkrofon túskeninshe,
Jolymnan Alla bergen jyǵylmaımyn!!

TÓREǴALI TÓREÁLİ, - dep jazdy ánshi.

Shymkenttik tilshi Maqpal Rysbaeva da áleýmettik jelide bolǵan oqıǵaǵa qatysty pikir bildirgen. 

«Men taǵy bolǵan jaıdy baıandaımyn. Ólendep asyra silteý maǵan jat. Men suqbattyń basynda durys fonga qoıyp qolyńdy túsire ǵoı dep, bul kórinistiń efırde jaksy shyqpaıtynyn aıtqym kelgen. Órekpip mursha bermedi. Komanda berdi dep oılap koterilip ketti. Men sodan keıin ǵana daýys kóterip túsindirýge májbúr boldym. Bary sol. El aldynda júrgen soń ornymyzdy bileıik. Pikir aıtsańyz da oryndy bolǵaı» – dep pikir qaldyrǵan tilshi. 

Aıta keteıik, Tóeǵalı Tóreáli Shymkenttegi kilem fabrıkasyna qonaqqa baryp, jergilikti tilshimen til tabysa almaı qalǵan bolatyn.