«Habar» arnasynyń damýyna úles qosyp kele jatqan Rınat Dýmanuly Kertaev arna dırektory bolyp taǵaıyndaldy, - dep  habarlaıdy Qamshy.kz agenttiktiń baspasóz qyzmetine silteme jasap.

Búgin «Habar» Agenttigi» AQ ujymyna ony agenttiktiń basqarma tóraıymy Almagúl Aýǵalıqyzy Ahmetjanova tanystyrdy.  QR Investısıalar jáne damý mınıstrliginiń «Aqparat salasynyń úzdigi» tósbelgisiniń, «Daryn» memlekettik syılyǵynyń, TMD-niń Parlamentaralyq Assambleıasy Keńesi tósbelgisiniń, sondaı-aq QR Prezıdentiniń Granty syılyqtarynyń ıegeri Rınat Dýmanuly Kertaev 1983 jyldyń 23 sáýirinde Jambyl oblysynda dúnıege kelgen. Ál-Farabı atyndaǵy Qazaq Ulttyq ýnıversıtetinde «Qoǵammen baılanys» mamandyǵy boıynsha joǵary bilim alǵan.  Eńbek jolyn 2006 jyly «Habar» arnasynda qazaq tilindegi oıyn-saýyqtyq baǵdarlamalardyń prodúseri retinde bastady.  2010-2011 jyldary jańalyqtar bóliminde redaktor-taldamashy qyzmetin atqardy.  2011 jyly «Habar» arnasy baǵdarlamalar dıreksıasynyń bas prodúseri laýazymyna taǵaıyndaldy.