Aqmola oblysynda polıseıler ózin urlady dep jalǵan habar bergen jigitke qatysty qylmystyq is qozǵady. Ustalǵan jigit muny jumysqa barmaý úshin aıtqan eken, - dep habarlaıdy Qamshy.kz óńirlik İİD baspasóz qyzmetine silteme jasap.

«2 shildede Kókshetaý q. kezekshilik bólimine 45 jastaǵy jergilikti turǵyn kelip, tártip saqshylarǵa onyń uıaly telefonyna balasy qońyraý shalyp, belgisiz bireýler úı aýlasynan urlap áketip, belgisiz jerde ustap otyrǵanyn aıtqanyn jetkizdi»,- delingen habarlamada.

İzdeý sharalaryna polısıanyń keshendi kúshi jumyldyryldy. Biraz jumys atqarǵan soń «urlanǵannyń» qaıda bolǵany anyqtaldy.

Polıseıler anyqtaǵandaı, ony eshkim urlamaǵan. Dostarymen ishimdik ishken jigit jumysqa barmas úshin anasyna ony urlady dep ótirik aıtqan. Alaıda bul oıynynyń sońy ne bolaryn bilmegen. Endi oǵan qatysty QR QK  419 baby 3 bólimi boıynsha qylmystyq is qozǵaldy. Ol ýaqytsha ustaý oqshaýlaǵyshyna qamaldy.