Búgingi tańda «Rost» JSHS-i segiz, «VoSca» JSHS-i tórt avtobýs satyp aldy. Olar jaqyn kúnderi qala boıynsha qozǵalysqa shyǵady. Aımaq basshysy Danıal Ahmetov avtobýsterdi qarap shyǵyp, bastalǵan jumysqa on baǵasyn berdi, - dep habarlaıdy Qamshy.kz.

Óskemen qalasyndaǵy avtobýs parkteriniń ákimshilikterimen avtobýsterdi jańartý maqsatynda jalpy sany 12 kólik satyp alyndy. «ROST» JSHS Semeı qalasynda shyǵarylatyn «Daewoo» markaly jalpy syıymdylyǵy 60 oryndyq segiz avtobýs satyp aldy. Bul otandyq avtobýstar №44 qalalyq baǵytta qyzmet kórsetpek. Barlyǵy 2018 jylǵa deıin oblys ortalyǵynyń jolaýshy tasymaly kompanıalary taǵy 100 avtobýs satyp alýdy josparlap otyr.

Aıta ketsek, avtobýs parkteriniń jyljymaly quramyn jańartý Óskemen, Semeı qalalarynyń jolaýshy tasymaly kompanıalarmen jasaǵan memorandýmdarynyń negizinde júzege asyrylyp keledi.

Kelgen kelisim negizinde Óskemen qalasynyń 10 kásiporny men Semeı qalasynyń 4 kásiporny aldaǵy eki-úsh jylda jyljymaly quramdy jańartpaq. Jergilikti atqarýshy organdarmen jasalǵan memorandým aıasynda 7 jylǵa deıin qoldanysta bolǵan avtobýstardyń 50 paıyzy jańartylý qajet. Osyndaı mólsherde 7 jyldan 12 jylǵa deıin qoldanysta bolǵan avtobýstar de jańartylady. Al qoldanystaǵy ýaqyty 12 jyldan asqan avtobýstar qala ishinde jolaýshy tasymaldaýǵa shyǵarylmaıtyn bolady.