Qytaı sý astynan «Uly qorǵan» turǵyzbaq, - dep habarlaıdy Qamshy.kz.

«DailyTechInfo» aqparat kóziniń deregine súıensek, atalmysh qorǵan kileń robottardan qurastyrylady. Áskerı-tehnıkalyq maqsattaǵy «qorǵan» shet eldikter úshin áıgili Qytaı qorǵanynyń kóshirmesi sıaqty bolǵanymen, bul júıe memlekettiń qorǵanys qyzmetinde jáne sý astynda zertteýler júrgizý úshin paıdalanylmaq. Bul júıeniń ereksheligi sonda, ushqyshsyz-aq  sý asty «ǵarysh stansıasynda» óz qyzmetin atqaratyn súńgýir qaıyqtar kez-kelgen ýaqytta tereńge súńgip, tıesili zertteýlerdi júrgize alady.  Ońtústik-Qytaı teńizi úshin arnaıy jasalǵan robottar 3000 metr tereńdikke súńgý múmkindigine ıe. Qytaıdyń sý asty stansıasy álemdegi eń tereń stansıa dep tanylýy ábden múmkin. Óıtkeni buǵan teń keler nysan áli eshbir elde jasalǵan joq. Sý asty robottary teńiz túbindegi paıdaly qazba túrlerin izdeýmen de aınalysady. Jańa stansıanyń jumysy bolashaqta baǵalana jatar. Al shet el ǵalymdary Qytaıdaǵy sý asty nysanynyń arqasynda ǵylym tyń jańalyqtarǵa keneledi dep úmittenýde. 

Dana Qamshybek
«Qamshy» silteıdi​