Astana ortalyǵyndaǵy "Ata-Kent" turǵyn úı kesheniniń úleskeri Olga Svetkova úshinshi qabattaǵy óz páteriniń balkonynda ústine benzın quıyp, ózin-ózi órtemek boldy, - dep habarlaıdy Qamshy.kz.

Olga Svetkova eki jyl buryn Kóktal shaǵyn aýdanynda jańa salynyp jatqan úıden páter alý úshin toǵyz mıllıon teńge quıǵan. Biraq úı áli salynbaǵan, aqshasyn da qaıtarmaǵan.

Amaly qalmaǵan Olga ertesimen balkonǵa shyǵyp alyp, ústine benzın quıǵan. Ottyqty tutatyp turǵan áıeldi qutqarýshylar eki saǵat boıy toqtatýǵa tyrysqan. Olga oqıǵa ornyna qurylys kompanıasynyń basshysy kelmese, ózin órteıtinin málimdegen.

Olga ýáde etilgen úıi de, qarajaty da qaıtpaı qalýynan kúıeýi ony balasymen tastap ketkenin jáne búginde túksiz qalǵanyn aıtty.

Oqıǵa ornyna «Ata kent» Turǵyn úı kooperatıviniń basshysy Qaırat Bodaýhan ákimdik ókilderimen birge kelip, áıelmen kezdesti.

Bodaýhan Svetkovaǵa jeti kúnniń ishinde quıǵan qarjysyn qaıtaryp beretini týraly qolhat jazyp bergen. Osydan keıin áıel qarsylyq sharasyn toqtatty.