6 shildede Astanada shamamen tańǵy saǵat 10-da kámeletke tolmaǵan eki bala - 14 jastaǵy Jansaıa Ábilhaıyr men eki jasar Nuráli Asqar úıden ketip, oralmady, - dep habarlaıdy Qamshy.kz QazAqparatqa silteme jasap.
Astana q. İİD baspasóz qyzmetinen habarlaǵandaı, 7 shildede saǵat 3.00-diń shamasanda Astana qalasynyń turǵyny balalarynyń joǵalǵany týraly aıtyp polısıaǵa júgindi.
Atalǵan fakt boıynsha keshendi jedel-izdestirý sharalary júrgizilip jatyr. Olardy izdeý sharalaryna Astana q., Almaty q, oblystardyń İİD, kóliktegi İİD pen qoǵamdastyq tartyldy.
«Tekserý kezinde qyz úıden 40 myń teńgege jýyq aqsha alyp hat jazyp ketken. Elordalyq polısıa balalardyń qaı jerde ekenin anyqtap jatyr», - delingen habarlamada.
Qyz qara tústi kúrtke-plashevka, burshaq sýretti qara kóılek, kapron kolgotkı men qońyr tústi krosovkı kıgen. Bala sur tústi moıny jabyq kúrte, kók tústi sholaq shalbar, aıaǵyna kók tústi sandalı kıgen.
Belgili bir aqparatty biletinderge Astana q., Beıbitshilik 19 meken-jaıy boıynsha nemese kod (87172) 71-60-22, 71-65-53, 71-60-10, 71-65-29, 8-775-352-39-65 telefondaryna habarlasýyna bolady.
