Qaraǵandy qalasynda kúni keshe Aqtas aýylynan joǵalyp ketken  kámelettik jasqa tolmaǵan 2bala tabyldy, - dep habarlaıdy Qamshy.kz Qaraǵandy oblystyq İİD baspasóz qyzmetine silteme jasap.

«Jedel izdestirý sharalary barysynda Saran qalalyq İİB-niń krımınaldyq polısıa qyzmetkerleri Aqtas aýylynyń eki kámeletke tolmaǵan balalaryn Qaraǵandydan tapty», - dedi oblystyq İİD baspasóz qyzmetiniń jetekshisi Baqytjan Qudıarov.

Balalardyń úıden ketip qalý sebebi men olardyń Qaraǵandy qalasyna qalaı jetkendigi ázirge belgisiz. «Munyń barlyǵy da anyqtalatyn bolady», - dedi baspasóz qyzmetiniń jetekshisi.

Buǵan deıin habarlanǵandaı, 6 shilde kúni Qaraǵandy oblysyna qarasty Aqtas aýylynan 10 jáne 11 jastaǵy  eki bala joǵalyp ketken bolatyn. Olar tús aýa úıleriniń aýlasynan shyǵyp ketip, qaıtyp oralmaǵan. Balalardy izdeý jumystarymen polısıa qyzmetkerlerimen qatar eriktiler de aınalysty.