Baıan Esentaevamen birlesip biraz jumys jasaǵan reseılik klıpmeıker Alekseı Golýbev áriptesiniń jeke basyndaǵy jaǵdaıdan habarsyz eken. Jańalyqty estigende tań qalyp, Baıanǵa qoldaý bildirgisi keldi, - dep habarlaıdy Qamshy.kz Today.kz -ke silteme jasap.
Muzzone mýzykalyq arnasynyń keshine qatysqan Alekseı Golýbev burynyraqta Esentaevanyń alǵashqy mýzykalyq vıdeosyn jasaýǵa kómektesip, ony televıdenıege shyǵartqanyn esine aldy.
-Men ne bolǵanyn jáne qalaı bolǵanyn bilmeımin. Mundaı dúnıeler bolmaýy da kerek qoı. Baıanmen jaqsy aralassam da, joldasyn eshýaqytta kórgen emespin. Onyń joldasy baryn biletinmin jáne Baıan ony qatty syılaıtyn. Ol óte tanymal bolsa da, jurt aldynda birde bir ret jaǵymsyz qylyq kórsetpegen”, – deıdi Golýbev.
Oǵan qoıylatyn suraqtar janyn jaralaýy múmkin, jazylǵan soń qalasa ózi aıtyp berer degen klıpmeıker qandaı jaǵdaı bolsa da, qajet bolsa, kómekteskisi keletinin aıtty.
Al prodússer ári telejúrgizýshi Baıan Esentaevanyń jaqyn dosy, prodússer Erık Tastambekov Baıannyń shoý-bızneske jýyrda oralatynyn jetkizdi.
-Menińshe, ol densaýlyǵyn qalpyna keltirý úshin Fransıaǵa ketti. Onyń bıyl shyǵarǵan “Alaý”, “Jarqynaı” syndy jańa jobalary bar”, – deıdi Tastambekov.
Esterińizge salsaq, prodúser Baıan Esentaeva 10 maýsym kúni Almaty oblysy Talǵar aýdany aýmaǵynda soqqyǵa jyǵylyp, aýyr halde aýrýhanaǵa jetkizilgen. Al, onyń kúıeýi Baqytbek Esentaevti polısıa kúdikti retinde qamaýǵa alynǵan bolatyn.
