Almatyda bolǵan atystan keıin jeti polıseı jansaqtaý bóliminde jatyr, - dep habarlaıdy Qamshy.kz Tengrinews.kz -ke silteme jasap.

Sonymen qatar, jedel járdem qyzmetkerlerin qarýlanǵan kúzet qorshaýǵa alǵany habarlanyp otyr.

Qazir psıhologtar aýrýhanaǵa zardap shekkenderidiń týystaryna bara jatyr. Aıta keteıik, beıbit turǵyndardyń arasynda qaza tapqandar men zardap shekkender joq.

Osyǵan deıin Almatyda Almaly aýdandyq İİB mańy qorshaýǵa alynǵan bolatyn. Kýágerlerdiń aıtýynsha, Nıkolskıı bazarynyń aýmaǵynda atys bolyp jatyr. Bul jerde aýdandyq polısıa basqarmasy ornalasqan. Sonymen qatar, kýágerler kórshi ǵımarattardaǵy adamdardy keńselerinen shyǵarmaı otyr eken. Taıaý mańda ornalasqan keńsedegilerdiń aıtýynsha, 10 ret oq atylǵan. "Bastapqyda tapanshamen bir-birden oq atyldy, keıin jyldam atyla bastady. Belgisiz bireý qolyna avtomat ustap alyp, Baıtursynov kóshesiniń boıymen júgirip ótti, keıin artynan polıseıler qýdy", - deıdi olar.

Odan keıin Almatydaǵy UQK Departamentiniń ǵımaraty qorshaýǵa alyndy. Kýágerlerdiń aıtýynsha, jedel járdem men polısıa ǵımarat aldyna kelip tur, jaraqat alǵandar týraly habarlanyp otyr. Kýágerlerdiń aıtýynsha, jedel járdem men polısıa ǵımarat aldyna kelip tur, jaraqat alǵandar týraly habarlanyp otyr. Sonymen qatar, atys kezinde eki polıseı jaraqat alǵany týraly habarlanǵan bolatyn. Jaralanǵandardyń biri Qurmanǵazy-SHáripov kósheleriniń qıylysynda jatyr.