QR ishki ister mınstri Qalmuhanbet Qasymov polıseılerge shabýyl jasaǵan adamnyń motıvin atady, - dep habarlaıdy Qamshy.kz Tengrinews.kz -ke silteme jasap.

Aıtýynsha, Almatyda atys shyǵarǵan adam quqyq qorǵaý organdarynyń qyzmetkerlerinen kek alǵysy kelgen. Ol tonaý jáne qarýdy zańsyz saqtaý boıynsha sottalyp, abaqtyda bolǵan jyldary úshin polıseılerge ósh bolǵan. 

Mınıstrdiń aıtýynsha, 1990 jylǵy Rýslan Kúlikbaev tonaý jáne qarýdy zańsyz saqtaý boıynsha eki márte sotty bolǵan. Ol bes jyl jáne 11 aıǵa bas bostandyǵynan aıyrylǵan. Ol osy úshin polıseılerden kek almaq bolǵan. Áıeldi óltirgeni úshin sottalatynyn bilgen ol taǵy bir qylmysqa oqtalǵan.

Aıta keteıik, UQK basshysy Vladımır Jumaqanov Qaýipsizdik keńesiniń jıynynda Almatydaǵy Almaly aýdandyq İİB men UQKD ǵımaratyna shabýyldaǵan adam jaıly málimetti Memleket basshysyna baıandap bergen bolatyn. Al odan keıin Aqordadaǵy Qaýipsizdik keńesiniń jıynynda ishki ister mınıstri Qalmuhanbet Qasymov Prezıdentke Almatydaǵy oqıǵanyń hronologıasyn aıtyp berdi.