Aýyr naýqasqa shaldyqqan janǵa kómek qajet!
Bul kúni basy aýyryp, baltyry syzdamaıtyn kisi joq shyǵar. Biraq, «Qazir kim aýyrmaı jatyr!» dep nemquraıly qaraýǵa bolmaıtyn jaǵdaılar bolady. Qytaıdan elimizge 2003 jyly kóship kelgen qandasymyz Gúlzıpa Qaýmet qazir sondaı aýyr halge dýshar bolyp otyr.
Gúlzıpa Qaýmet bıyl aqpan aıynda densaýlyǵy nasharlap, ózi turyp jatqan Almaty oblysy Tekeli qalasyndaǵy aýrýhanaǵa túsedi. Dárigerler áý basta asqazan, uıqy beziniń aýrýy dep, emdeýge kirisedi. Keıin búıregi aýyrýy múmkin degen áńgime shyǵyp, naýryz aıynda Qytaıdyń Úrimji qalasyna ushaqpen jetkiziledi. Ondaǵy dárigerler Gúlzıpanyń búırek aýrýyna shaldyqqanyn rastap, «Júıeli qyzyl jegi» degen dıagnozyn qoıady. Ol jerde eki aıǵa jýyq qan súzgizgen soń turǵylyqty jeri boıynsha emdelý úshin Qazaqstanǵa qaıta oralǵan.
Almaty qalasyndaǵy 7-aýrýhanada aqyly bólimde em qabyldaǵan soń, dárigerlerdiń uıǵarymymen Tekeli qalasynyń aýrýhanasyna jóneltilgen. Qazir Tekelide turaqty túrde (eki kúnde bir ret) qan súzgizip jatqan jaıy bar. Dárigerlerdiń qoıǵan dıagnozy: Órshý satysyndaǵy nefrotıkalyq sındromdy sozylmaly glomerýlonefrıt (isinýler, ana-sarka). Sozylmaly búırek jetispeýshiligi, 2-saty. Ekinshilik anemıa. Sozylmaly búırek aýrýy, 2-saty. Tez órshýshi glomerýlonefrıt, ekinshilik anemıanyń aralas etıologıasy.
Gúlzıpanyń kúıeýi Nurbolat Jumahanuly aqpan aıynan beri biraz ýaqyttaryn joǵaltyp alǵandaryn, dárigerlerdiń de shuǵyl búırek aýystyrýǵa keńes bergenin aıtady. Dárigerler naýqastyń qos búıregi de 85 paıyzǵa qalpyna kelý múmkindiginen aırylǵanyn jetkizgen. N. Jumahanuly jeńildiksiz bir búırekti aýystyrý, donor aqysy úshin 5 mıllıon teńge qarajat kerektigin aıtyp, qaıyrymdy jandardan kómek suraıdy. Aıtýynsha, cyrqattyń syry anyqtalyp, naqty dıagnoz qoıylǵansha, Qytaı dárigerlerin aralap júrgende kóp qarjy shyǵyndalǵan. Aqpan aıynan beri eki eldiń arasynda júrip, osynda túrli zertteýlerge túsip júrip, 30 myń AQSH dollaryna jýyq aqsha jumsaǵan. Endi dıagnoz naqtylanyp, operasıa jasaý týraly sheshim shyqqanda qarajat jetispeýshiligi qol baılaý bolyp otyrǵandaryn aıtady. Tekeli qalasyndaǵy menshigindegi jalǵyz úılerin satpaq bop qansha árekettense de, alýshy tabylmaı otyrǵan kórinedi,
«Shańyraq kótergenimizge 12 jyl boldy. Kelinshegimniń densaýlyq jaǵdaıyna baılanysty bala súıe almaı keldik. Atamekenge kelýdegi maqsatymyz da balalarymyzdyń kindik qany atajurtta tamsa, osynda ósip, órkendesek degen oı edi»,- deıdi Nurbolat.
Aýyr syrqat eńsesin ezip, janyna batsa da Gúlzıpanyń rýhyn syndyryp, ómirge degen qulshynysyn qaıtaryp, úmit otyn óshirmegen.
«Búıregim isten shyqsa da, júregim Otan dep soǵady. Áli de aýrýymnan aıyǵyp ketetinime úmittimin», - deıdi.
Otasqandaryna 12 jyl bolsa da bala súımegen erli-zaıyptylar áli de otbasylyq ómirdiń qyzyǵynan úmitti. Aýyr naýqasqa shaldyǵyp, qıyn jaǵdaıda qalǵan qandastarymyzǵa múmkindigimizshe kómek qolyn sozyp, qaıyrym jasaıyq, aǵaıyn! Ózim dep kelgen jurtynyń ózekten teppeıtinin kórseteıik!
Naýqastyń banktegi rekvızıtteri:
Qaýmet Gúlzıpa
IIN: 760512403204
«Halyq bank» kartasy: 6233 5710 4260 7255
KZ 236010002008027370
Baılanys telefondary: 87026218228, 87057798357
