Almaty qalasynyń jedel járdem aýrýhanasy jansaqtaý bóliminde 18 shilde kúni bolǵan oqıǵada jaraqat alǵan eki polısıa qyzmetkeri kóz jumdy, - dep habarlaıdy Qamshy.kz.

Dárigerler jaraqat alǵan polısıa qyzmetkerleriniń ómirin qutqarý úshin baryn salǵan.

Jansaqtaý bóiliminde kóz jumǵan polıseılerdiń biri polısıa aǵa serjanty Serik Erkinuly Ábildaev 1973 jyly týǵan, Almaty qalasy İİD Jergilikti polısıa qyzmeti Jol-patrýldik polısıasynyń polıseıi, ishki ister organdarynda 1994 jyldan beri qyzmet etken. Polısıadaǵy qyzmeti barysynda 1,2,3-dárejeli «İshki ister organdaryndaǵy minsiz qyzmeti úshin» medaldarymen, «Qazaqstan polısıasyna 20 jyl» keýde belgisimen, QR İİM, İİD bastyǵynyń gramotalarymen nagradtalǵan. Marqumnyń artynda áıeli men úsh qyzy qaldy.

Kóz jumǵan ekinshi polıseı – polısıa leıtenanty – Meırambek Nurıddauly Rahmatýllaev. 1992 jyly týǵan. Almaly aýdany İİB-niń ýchaskelik polısıa ınspektory. İİO-da 2012 jyldan beri qyzmet etken. Qyzmet barysynda birneshe ret QR İİM, Almaty qalasy İİD bastyǵynyń gramotalarymen nagradtalǵan. Úılengen.

«Almaty qalasy İİD basshylyǵy, Ardagerler keńesi men jeke quramy qaza bolǵan Serik Ábildaev pen Meırambek Rahmatýllaevtyń jaqyndary men týystaryna qaıǵylaryna ortaqtasyp kóńil aıtady» delingen İİD baspasóz qyzmeti taratqan habarlamada.