Bizdiń kapıtalısik sanamyzdyń deńgeıi «odnarazovyı stakan» sıaqty, qysqa merzimdi nemese bir ret qana isteletin jobalarǵa qumarmyz. Iaǵnı kóp jaǵdaıda «galochka» úshin jasaımyz. Jastar saıasaty dese kóz aldymyzǵa aksıalarmen fleshmobtar elesteıdi.
Jastardyń serkeleri sózdiń marjandaryn terip turyp aıtqanda «ee bolashaǵymyz jarqyn eken ǵoı» dep qalasyń, biraq istiń marjandaryn, ónimdiligin kórsete almaı jatady. Syn túzelmeı, min túzelmeıdi demekshi, endi osy joǵaryda atalǵan stereotıpterdi qalaı ózgertemiz?, jastardyń basyn biriktiretin qandaı ınteres tabamyz? Qandaı isker serkelerdi jastar saıasaty men jastar tárbıesin damytýǵa tartamyz? Suraqta kóp, júıeli túrde isteletin sharýa da jeterlik. Bizge jahandaný kezeńinde belsendi qoǵamnyń azamattaryn sandyq ta sapalyq ta jaǵynan kóbeıtý kerek. Bizde qoǵamda qozǵaltatyn quraldarmen tetikter bar, al solardy paıdalana biletin kreatıvti kadrlarmen resýrstar qajet sekildi. Bıylǵy jańa oqý jylyna baılanysty jańasha ózgerister engizýdi kórip turmyn. Bizdiń jastarǵa tek baǵyt pen úlgi berý kerek.
- Ol úshin, JOO-men kolejderdiń jastar isi jónindegi komıtetterine shyn mánisinde isker lıderler kelýi qajet. Olar kreatıvti, ózindik jańa jobalaryn engize biletin, ıntegrasıa jasaýdan qoryqpaıtyn, memlekettik jáne memlekettik emes uıymdarmen tyǵyz jumys jasaı biletinder qajet.
- Tárbıe isi jónindegi prorektorlar men dırektordyń tárbıe isi jónindegi orynbasarlary stýdenttik ózin-ózi basqarý uıymdarynyń lıderlerin qoldap, óz ara tájirıbe almasatyndaı alańdardy únemi uıymdastyryp turý kerek.
- Oqý oryndarynda «Talantty jastar klýbyn», «Juldyzben suhbat», sońǵy kezde jastar arasynda modaǵa aınalǵan Startup bıznes Club-yn, Breın rıng ıntellektýaldy klýbyn, Trenıń ortalyqtaryn, Fýtbol klýbyn, KVN men debat klýbtaryn qaıta engizip, jańasha formatta, júıede jumys jasaý kerektigi kórinip tur.
- Memleket tarapynan «oqý ornyndaǵy qaıtalanbas úzdik joba» atty baıqaý uıymdastyryp, sol jobalardy jáne olardyń avtorlaryn baǵaly syılyqtarmen marapattap, memlekettik deńgeıde jastar saıasatyna engizý qajet. Sebebi, bizdiń qoǵamda jańa ıdeıa men isker kadrlardy sýdyń betine shyǵaratyn kez keldi.
- Oqý oryndary áli de óndiris oshaqtarymen ıaǵnı jumys berýshilermen tolyq baılanystar ornatpady. Jastar arasynda jumyssyzdyq máselesi áli de tolyq qamdy sheshilmedi. Oqý oryndary jergilikti bılik ókilderimen baılanysa otyryp, ákimshil resýrstardyń negizinde jumys berýshilerdi oqý oryndaryna shaqyryp, «Praktıka arqyly Jumysqa» atty jobalarmen kezdesýlerdiń negizinde jastardy jumyspen qamtamasyz etýdi júıeli túrde jolǵa qoıý qajet.
Elimizde tek kózi janyp turǵan, bilikti, isker jastar ǵana azamattyq qoǵamnyń belsendiligin arttyra alady.
Eskendir Qurmashev
saıasattanýshy
