Búgin búkilálemdik emizý aptalyǵy bastaldy. Dúnıejúzi boıynsha 77 mıllıon jańa týǵan sábı, ıaǵnı árbir ekinshi náreste ana sútin embeıdi eken. Bul dúnıege kelgen árbir ekinshi náresteniń aǵzasyna aqýyz ben mıneraldyq zattar túspeıdi degen sóz. Bul týraly dúnıejúzilik emizý aptalyǵy qarsańynda (IýNISEF) qory málimdedi. «Eger sábıge jaryq dúnıe esigin ashqannan keıin anasynyń baýyryna salýdy uzaq kúttirse onyń tiri qalý múmkindigi kemıdi. Bul áıel aǵzasynyń sút shyǵarý qabiletine de teris áser etedi» dedi, IýNISEF-tiń aǵa dıetology Frans Begın. Mamandardyń sózine sensek, bala týylǵannan keıin táýlik ótkende baryp emizse sábıdiń shetinep ketýi múmkin. Iaǵnı, birden embegen sábıler 80 paıyz jaǵdaıda kóz jumady degen sóz.
«Ana súti — sábı úshin alǵashqy vasına. Bul — aýrýlarǵa qarsy alǵashqy jáne eń tıimdi kúres» dedi Frans Begın.
Sondaı-aq, IýNISEF uıymy alǵashqy jarty jylda balany tek ana sútimen qorektendirý qajettiligine mán berýge shaqyrady. Dáriger ǵalymdar ana sútin emip ósken bala mektepte jaqsy oqıtynyn jáne semizdik, dıabet sıaqty aýrýlarǵa az shaldyǵatynyn aıtyp otyr. Sábıdi emizý ana densaýlyǵy úshin óte paıdaly. Balasyn emizgen áıel sút beziniń qaterli isigi sıaqty dert túrlerinen ada bolady.
Tamyzdyń 1 men 7 aralyǵynda ótetin búkilálemdik emizý aptalyǵynda IýNISEF qory jer betindegi barlyq analardy balany tabıǵı jolmen emizýdiń óte mańyzdy ekendigin eskerýge shaqyrady.
Sharafat Jylqybaeva
