Búgin HHHİ Jazǵy Olımpıada oıyndarynyń astanasy Brazılıanyń Rıo-de-Janeıro qalasynda elimizdiń kók týy kóterildi, - dep habarlaıdy Qamshy.kz QazAqparatqa silteme jasap.
Qazaqstannan bólek Ispanıa men Túrkıanyń jáne Seıshel men Chad memleketteriniń týlary da ilindi. Uıymdastyrýshylar shaǵyn is-sharany mádenı konsertke ulastyryp, Brazılıanyń tarıhynan syr shertetin bılerimen bes eldiń sportshylaryna óz ónerlerin pash etti.
Qazaqstandyq delegasıa atynan Mádenıet jáne sport mınıstriniń orynbasary Sáken Musaıbekov olımpıadalyq qalashyq basshysyna estelik syı tartý etti.
Aıta keteıik, 5 tamyzda HHHİ jazǵy Olımpıada oıyndarynyń ashylý saltanaty, al 21 tamyzda Olımpıadanyń jabylý rásimi bolady dep kútilýde. Qazaqstan namysyn qorǵaýǵa elimizden 104 sportshy attandy.
